କୋଲକାତା: କୋଲକୋତା ନାଇଟ ରାଇଡର୍ସ ଆଇପିଏଲର ଆଗାମୀ ସଂସ୍କରଣ ପାଇଁ ରିଟେନ କରିଥିବା ଖେଳାଳିଙ୍କ ନାମ ଘୋଷଣା କରି ସାରିଛି । ଦଳକୁ ଗତ ସଂସ୍କରଣରେ ଚାମ୍ପିୟନ କରାଇବାରେ ମୂଖ୍ୟ ଭୂମିକା ଗ୍ରହଣ କରିଥିବା ଭେଙ୍କେଟେଶ ଆୟାରଙ୍କୁ ରିଟେନ କରି ନାହିଁ । ଯାହାକୁ ନେଇ ସେ ଭାବପ୍ରବଣ ହୋଇ ପଡିଛନ୍ତି । ରିଟେନ ନ ହେବା ପରେ ମୋ ଆଖିରେ ଲୁହ ଜକେଇ ଆସିଥିଲା ବୋଲି ସେ କହିଛନ୍ତି । କେକେଆର ମୋ ପରିବାର ସଦୃଶ । ଯଦି ମୋ ପାଇଁ ଦଳ ନିଲାମ ଡାକେ ତାହାହେଲେ ଏହା ନିଶ୍ଚିତ ଭାବେ ଆନନ୍ଦର କଥା ହେବ । ୨୦୨୧ରେ ସେ ଦଳ ପାଇଁ ମ୍ୟାଚ ବିଜୟୀ ଇନିଂସ ଖେଳିଥିଲେ ।
୨୦୨୪ରେ ଦଳକୁ ଚାମ୍ପିୟନ କରାଇବାରେ ମଧ୍ୟ ତାଙ୍କର ଗୁରୁତ୍ୱପୂର୍ଣ୍ଣ ଯୋଗଦାନ ଥିଲା । ଅବଶ୍ୟ ଦଳ ଭାବିଚିନ୍ତି ଖେଳାଳିଙ୍କୁ ଆଗାମୀ ସଂସ୍କରଣ ପାଇଁ ରିଟେନ କରିଛି ବୋଲି ସେ କହିଛନ୍ତି । ୨୦୨୪ ଆଇପିଏଲରେ ସେ ୪ଟି ଅର୍ଦ୍ଧଶତକ ମାରିବା ସହ ୧୫୮ ଷ୍ଟ୍ରାଇକ ରେଟରେ ୩୭୦ ରନ କରିଥିଲେ । ରିପୋର୍ଟ ଅନୁସାୋର ଦଳ ତାଙ୍କୁ ନିରାଶ କରିବ ନାହିଁ ବୋଲି ସେ ଆଶା କରିଛନ୍ତି ।
Comments are closed.