ବହୁତ ସହର ଓ ଗାଁ ବିଷୟରେ ଆପଣ ହୁଏତ ଶୁଣିଥିବେ ଅନେକ ଚମତ୍କାର କାହାଣୀ । ଦୁନିଆରେ ବହୁତ ଗାଁ ଅଛି; ଯାହାର ଏଭଳି କିଛି କାରଣରୁ ସ୍ୱତନ୍ତ୍ର ପରିଚୟ ରହିଛି । କେଉଁଠି ଖାଦ୍ୟପେୟ, ଚଳଣୀ, ପରମ୍ପରା ଓ ସଂସ୍କୃତି ନିଆରା ହୋଇଥାଏ ତ ଆଉ କେଉଁଠି ଥାଏ ଅଜବ ଘଟଣା । ହେଲେ ଆମେ ଆପଣଙ୍କୁ ଏମିତି ଏକ ଗାଁ ବିଷୟରେ କହୁଛୁ ଯେଉଁଠି ସବୁ ଲୋକ ଦୃଷ୍ଟିହୀନ । ଏମିତି କି ଏଠାରେ ଥିବା ପଶୁପକ୍ଷୀ ମଧ୍ୟ ଦୃଷ୍ଟିବାଧିତ ।
ମେସ୍କିକୋର ସହରତଳି ଅଂଚଳରେ ରହିଛି ଟିଲ୍ଟେପକ ଗାଁ । ଗାଁରେ ପ୍ରାୟ ୩୦୦ ଲୋକ ବସବାସ କରିଥାନ୍ତି । ତେବେ ଏହି ଗାଁର ଆଚମ୍ବିତ ଘଟଣା ହେଲା ଏଠାକାର ସବୁ ଲୋକ ଦୃଷ୍ଟିହୀନ । କୁହାଯାଏ, ଜନ୍ମ ବେଳେ ଏଠାକାର ସବୁ ପିଲା ସୁସ୍ଥ ଭାବେ ଜନ୍ମ ନେଇଥାନ୍ତି । ହେଲେ ଜନ୍ମର କିଛି ଦିନ ପରେ ଧୀରେ ଧୀରେ ସେମାନେ ଦୃଷ୍ଟିଶକ୍ତି ହରାଇ ବସିଥାନ୍ତି । ଏହି ଗାଁଟି ମୁଖ୍ୟ ରାସ୍ତା କଡ଼ରେ ଅବସ୍ଥିତ । ଗାଁରେ ପ୍ରାୟ ୭୦ଟି ଚାଳ ଘର ରହିଛି । ଆଶ୍ଚର୍ଯ୍ୟର କଥା, କୌଣସି ଘରେ କବାଟ କି ଝରକା ନାହିଁ । କାରଣ ଗାଁ ସାରା ଲୋକେ ଦୃଷ୍ଟିହୀନ ଥିବାରୁ ଆଲୋକର ଆବଶ୍ୟକ ପଡ଼େ ନାହିଁ । ଏମାନେ ପଶୁପକ୍ଷୀଙ୍କ ଶବ୍ଦରୁ ସକାଳ ହେଉଥିବା ଜାଣିବାକୁ ପାଇଥାନ୍ତି । ସନ୍ଧ୍ୟା ହେଲେ ଗାଁ ସାରା ଲୋକେ ଗୋଟିଏ ସ୍ଥାନରେ ଏକାଠି ହୋଇ ଖାଇଥାନ୍ତି । ମଦ ପିଇ ନାଚଗୀତରେ ମାତିଥାନ୍ତି ।
ସ୍ଥାନୀୟ ଲୋକଙ୍କ କହିବା କଥା ହେଲା; ଏଠାରେ ଏକ ଲାବଜୁଏଜା ନାମକ ଏକ ଗଛ ରହିଛି । ଏହାକୁ ଦେଖିଲେ ଲୋକେ ଦୃଷ୍ଟିଶକ୍ତି ହରାଇଥାନ୍ତି । ଏଥିରେ କୌଣସି ସତ୍ୟତା ନ ଥିବା ଚିକିତ୍ସା ବିଜ୍ଞାନୀଙ୍କ ମତ । କାରଣ ଏଠାକୁ ଆସୁଥିବା କୌଣସି ବି ପର୍ଯ୍ୟଟକ ଚର୍ଚ୍ଚିତ ଗଛକୁ ଦେଖି ଏ ପର୍ଯ୍ୟନ୍ତ ଦୃଷ୍ଟିଶକ୍ତି ହରାଇଥିବାର ପ୍ରମାଣ ନାହିଁ । ଚିକିତ୍ସା ବିଜ୍ଞାନୀଙ୍କ ମତରେ; ଏଠାକାର ଲୋକ ଅନ୍ଧ ହେବାର ମୁଖ୍ୟକାରଣ ହେଉଛି କିଟାଣୁ । ଏକ କଳା ଛୋଟ ପୋକ କାମୁଡ଼ିବା ଦ୍ୱାରା ଏହାର ବିଷ ଶରୀରରେ ବ୍ୟାପି ଯାଇଥାଏ , ଯାହାଦ୍ୱାରା ସେମାନଙ୍କ ଚକ୍ଷୁ କୋଷ କାମ କରିବା ବନ୍ଦ ହୋଇଯାଇଥାଏ । ତେଣୁ ଜଣେ ଲୋକ ଶୀଘ୍ର ଅନ୍ଦ ହୋଇଯାଇଥାଏ । ଏହି ଗାଁରେ ଥିବା ପଶୁପକ୍ଷୀଙ୍କ କ୍ଷେତ୍ରରେ ମଧ୍ୟ ସମାନ ପ୍ରତିକ୍ରିିୟା ଦେଖାଦିଏ, ଯେଉଁ କାରଣରୁ ସେମାନେ ଦୃଷ୍ଟିବାଧିତା ହୋଇଥାନ୍ତି ।
BREAKING NEWS
- ରଣନୀତି ଅନୁସାରେ ଧୋନୀ ଖେଳୁଛନ୍ତି ନାଁ ଅଛନ୍ତି ଅନଫିଟ
- ପ୍ରତିଶ୍ରୁତି ଦେଇ ଟିକେଟ ଦେଲାନି ବିଜେଡି, ସ୍ୱାଧିନ ଭାବରେ ପ୍ରାର୍ଥୀ ପତ୍ର ଦାଖଲ କଲେ ଦମ୍ପତି
- ବିଧାୟକ ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କଲେ ସୁଜିତ୍ ମହାପାତ୍ର ଓ ଉମାବଲ୍ଲଭ ରଥ
- ଦେଇଦେଲେ ତାରିଖ
- ବଢିଲା କ୍ରେଜିୱାଲଙ୍କ ଅଡୁଆ: ଆତଙ୍କବାଦୀଙ୍କଠାରୁ ଚାନ୍ଦା ନେବା ଘଟଣାରେ ତଦନ୍ତ ନିର୍ଦ୍ଦେଶ ଦେଲେ ଉପରାଜ୍ୟପାଳ
- କଂଗ୍ରେସ, ରାହୁଲଙ୍କୁ ନେଇ ବିବାଦୀୟ ବୟାନ ଦେଲେ ଆଚାର୍ଯ୍ୟ ପ୍ରମୋଦ କ୍ରିଷ୍ଣାନ
- ସାମ୍ନାକୁ ଆସିଲା ପୁଞ୍ଚ ଆକ୍ରମଣରେ ସାମିଲ ପାକିସ୍ତାନୀ ଆତଙ୍କବାଦୀଙ୍କ ସ୍କେଚ
- ୨୪୩ ପ୍ରାର୍ଥୀଙ୍କ ମଧ୍ୟରୁ ୬୫ ଜଣଙ୍କ ନାଁରେ ରହିଛି ଅପରାଧିକ ମାମଲା, ୪୮ ଜଣଙ୍କ ନାଁରେ ରହିଛି ଜଘନ୍ୟ ଅପରାଧ
- ୪୧ ତମ ରାଜ୍ୟସ୍ତରୀୟ ଚାରୁକଳା ପ୍ରଦର୍ଶନୀ ଉଦଘାଟିତ
- ଅବକାରୀ ଦୁର୍ନୀତି ମାମଲାରେ କେ.କବିତାଙ୍କୁ ପୁଣି ଝଟ୍କା, ମିଳିଲାନି ଜାମିନ୍