[ଭିଡ଼ିଓ] ଗୁପଚୁପ୍ ଖାଉଛି ଗାଈ, ଭାଇରାଲ ହେଲା ଭିଡ଼ିଓ.. .

ଭୁବନେଶ୍ୱର: ଗୁପଚୁପ୍ । ଏହି ଶବ୍ଦଟି ଶୁଣିଲେ କାହାକୁ ବା ଖାଇବାକୁ ଇଚ୍ଛା ହୁଏ ନାହିଁ । ହେଲେ ଏହାକୁ ସାଧାରଣରେ ମଣିଷ ଖାଉଥିବା ଦେଖିଥିବେ । ଅନେକ ସମୟରେ ତାହାକୁ ଭିଡ଼ିଓ କରି ମଧ୍ୟ ଛାଡ଼ିଥାନ୍ତି । ଯାହା ଲୋକଙ୍କୁ ବେଶ୍ ପସନ୍ଦ ଆସିଥାଏ । ହେଲେ କେବେ ଦେଖିଛନ୍ତି ଗାଈ ଗୁପଚୁପ୍ ଖାଇବା । ହଁ ଆଜ୍ଞା, ଗାଈ ମଧ୍ୟ ଗୁପଚୁପ ଖାଉଛି । ଯାହା ସୋସିଆଲ ମିଡ଼ିଆରେ ବହୁଳ ମାତ୍ରାରେ ଭାଇରାଲ ହେବାରେ ଲାଗିଛି ।

ଗାଈ ଖାଉଛି ଗୁପଚୁପ୍ । ମନଭରି ଗୁପଚୁପର ସ୍ୱାଦକୁ ଉପଭୋଗ କରୁଛି ଗାଈ।#ViralAlert #ViralVideo #Golgappa #OdishaSambadNews pic.twitter.com/YquR8agwga

— Odisha Sambad (@Odisha_Sambad) January 18, 2022

ପଶୁମାନେ ମଧ୍ୟ ଖାଇବାର ସୌଖିନ ହୋଇଥାନ୍ତି । ଯାହା ଏହି ଭିଡ଼ିଓରେ ଦେଖିବାକୁ ମିଳିଛି । ଭିଡ଼ିଓରେ ଦେଖାଯାଇଛି ଯେ, ଗାଈ ଗୋଟିଏ ବାଛୁରୀ ସହ ଗୁପଚୁପ୍ ଖାଉଛି । ଏହାସହ ମନଭରି ଗୁପଚୁପର ସ୍ୱାଦକୁ ଉପଭୋଗ କରୁଛି । ଗୁପଚୁପ ବ୍ୟବସାୟୀ ଗାଈ ଓ ବାଛୁରୀକୁ ଗୁପଚୁପ୍ ଖୁଆଇ ଦେଇଥିବାର ଦୃଶ୍ୟ ଏଥିରେ ଦେଖିବାକୁ ମିଳିଛି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଉଛି ।