ସୋସିଆଲ୍ ମିଡିଆ ହେଉଛି ଏପରି ଏକ ପ୍ଲାଟଫର୍ମ ଯେଉଁଠାରେ ଏହିପରି ଅନେକ ଜିନିଷ ମଧ୍ୟ ଦେଖାଯାଏ ଯାହା ଆପଣଙ୍କ ଦୈନନ୍ଦିନ ଜୀବନ ଓ ସ୍ୱାସ୍ଥ୍ୟ ପାଇଁ ଦେଖିବା ଏବଂ ଜାଣିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ପନିପରିବା ଓ ଶାଗକୁ ଆପଣ ସୁସ୍ଥ ସ୍ୱାସ୍ଥ୍ୟ ପାଇଁ ପ୍ରାଥମିକତା ଦିଅନ୍ତି । ହେଲେ ସୋସିଆଲ ମିଡିଆରେ ଏପରି ଏକ ଭିଡିଓ ଭାଇରାଲ ହେଉଛି ଯେଉଁଥିରେ ରାସାୟନିକ ପଦାର୍ଥ ସାହାଯ୍ୟରେ ଶୁଖିଲା ପନିପରିବାକୁ ସତେଜ କରାଯାଉଛି ।
ଭାଇରାଲ ହୋଇଥିବା ଭିଡିଓରେ ଦେଖିବାକୁ ମିଳିଛି ଯେ, ଶୁଖି ଯାଇଥିବା ପନିପରିବା ଓ ଶାଗକୁ ରାସାୟନିକ ପଦାର୍ଥରେ ଭର୍ତ୍ତି ହୋଇଥିବା ବାଲ୍ଟିରେ ବୁଡ଼ାଇ ବାହାରେ ରଖାଯାଉଛି । କିଛି ସମୟ ଭିତରେ ଏହା ଧୀରେ ଧୀରେ ସମ୍ପୂର୍ଣ୍ଣ ସତେଜ ହୋଇଯାଉଛି । ଏହାକୁ ଯେ କେହି ଦେଖି ଆଶ୍ଚର୍ଯ୍ୟ ହେବା ସ୍ୱାଭାବିକ । ଯଦି ଆପଣ ସବୁଜ ଏବଂ ତାଜା ପନିପରିବା ଲୋଭରେ ବଜାରକୁ ଯାଉଛନ୍ତି, ତେବେ ଆପଣ ପାଇଥିବା ତାଜା ପନିପରିବା ସତେଜ ହେବା ଜରୁରୀ ନୁହେଁ । ତାଜା ପନିପରିବା ଦେଖିବା ଯେତେ ଭଲ ଦେଖାଯାଏ, କିନ୍ତୁ ଏହା ସ୍ୱାସ୍ଥ୍ୟ ପାଇଁ କେତେ କ୍ଷତିକାରକ ତାହା ସହଜରେ ଅନୁମାନ କରାଯାଇପାରେ ।
