ମୁମ୍ବାଇ: ମାଇକ୍ରୋ ବ୍ଲଗିଂଗ ସାଇଟ ଟୁଇଟର ୨୦୨୧ର ଲୋକପ୍ରିୟ ଟ୍ୱିଟ ତାଲିକା ଜାରୀ କରିଛି । ଏଥିରେ ପ୍ରଥମ ସ୍ଥାନରେ ରହିଛି କ୍ରିକେଟର ବିରାଟ କୋହଲି ଏବଂ ଅନୁଷ୍କା ଶର୍ମା ସେମାନଙ୍କ ଝିଅ ଭାମିକା ଜନ୍ମ ହେବା ପରେ କରିଥିବା ଟ୍ୱିଟ । ଏହାକୁ ପ୍ରାୟ ୫.୪ ଲକ୍ଷ ଲୋକ ଲାଇକ କରିଥିବା ବେଳେ ୫୦,୦୦୦ରୁ ଅଧିକ ରିଟୁଇଟ କରାଯାଇଛି ।
କୋହଲି ଝିଅ ଜନ୍ମ ହେବା ପରେ ଟ୍ୱିଟ କରିଥିଲେ ଯେ, ଆମ ଦୁଇଜଣଙ୍କ ଏହା ଜଣାଇବାରେ ବହୁତ ଖୁସି ଲାଗୁଛି ଯେ ଆଜି ଦ୍ୱିପ୍ରହରରେ ଆମର ଝିଅ ଜନ୍ମ ହୋଇଛି । ଆପଣମାନଙ୍କ ପ୍ରେମ ଏବଂ ମଙ୍ଗଳକାମନା ନେଇ ଋଣୀ ରହିବୁ । ଅନୁଷ୍କା ଏବଂ ଝିଅ ଦୁଇଜଣ ସମ୍ପୂର୍ଣ୍ଣ ସୁସ୍ଥ ଅଛନ୍ତି । ଆଶା କରୁଛି ଆପଣମାନେ ଆମକୁ ସହଯୋଗ କରିବେ ଏବଂ କିଛିଟା ପ୍ରାଇଭେସି ପ୍ରଦାନ କରିବେ । ସୂଚନାଯୋଗ୍ୟ ଅନୁଷ୍କା ମାଆ ହେବାକୁ ଯାଉଛନ୍ତି ଖବର ୨୦୨୦ରେ ସର୍ବାଧିକ ଲାଇକ କରାଯାଇଥିବା ଟୁଇଟ ହୋଇଥିଲା ।
Comments are closed.