ମୁମ୍ବାଇ: ବର୍ଷ ୨୦୨୦ ସରିବାକୁ ଯାଉଛି । ବର୍ଷର ଶେଷ ମାସ ଚାଲିଛି । ଆଉ ଦିନ କେଇଟା ପରେ ବିଦାୟ ନେଇଯିବ ବର୍ଷ୨୦୨୦ । ଏହା ଏପରି ଏକ ବର୍ଷ ଥିଲା ଯାହାକୁ ଆପଣମାନେ କେବେ ବି ଭୁଲି ପାରିବେ ନାହିଁ । ଏହାରି ଭିତରେ ଟ୍ବିଟର ଇଣ୍ଡିଆ ମଧ୍ୟ ପୂରା ବର୍ଷର ରେକର୍ଡ ପ୍ରସ୍ତୁତ କରିଛି । ଏହା ମଧ୍ୟରେ ଅନୁଷ୍କା ଓ ବିରାଟ କୋହଲୀଙ୍କ ଦ୍ବାରା ପ୍ରେଗ୍ନେନ୍ସି ଆନାଉନ୍ସମେଣ୍ଟ ଟ୍ବିଟ୍ ବର୍ଷକୁ ସବୁଠୁ ଅଧିକ ଲାଇକ୍ କରାଯାଇଥିବା ଟ୍ବିଟ୍ ହୋଇଛି । ଅନୁଷ୍କା ଶର୍ମା ଓ ବିରାଟ କୋହଲୀ ଅଗଷ୍ଟ ମାସରେ ଏହି ଖବର ଆନାଉନ୍ସ କରିଥିଲେ । ଏହା ପରେ ଏହି ଟ୍ବିଟ୍ ୨୦୨୦ର ସବୁଠୁ ଅଧିକ ପସନ୍ଦ କରାଯାଇଥିବା ଟ୍ବିଟ୍ ହୋଇଛି । ଅଫିସିଆଲ୍ ଟ୍ବିଟର ଇଣ୍ଡିଆ ନିଜର ହେଣ୍ଡେଲରେ ଏହି ଲିଷ୍ଟ ଜାରି କରିଛି ।
ସୁଶାନ୍ତ ସିଂହ ରାଜପୁତଙ୍କ ଫିଲ୍ମ ଦିଲ ବେଚାରା ୨୦୨୦ର ସବୁଠୁ ଅଧିକ ହ୍ୟାସଟ୍ୟାଗ ଫିଲ୍ମ ହୋଇଛି । ଅମିତାଭ ବଚ୍ଚନଙ୍କ କରୋନା ପଜିଟିଭ୍ ଟ୍ବିଟ୍ ସବୁଠୁ ଅଧିକ କୋଟ୍ କରାଯାଇଥିବା ଟ୍ବିଟ ହୋଇଛି । ଅମିତାଭ ବଚ୍ଚନ ଜୁଲାଇ ୧୧ ତାରିଖ ୧୦ଟା ୫୨ରେ କରୋନା ପଜିଟିଭ୍ ହୋଇଥିବା ନେଇ ଟ୍ବିଟ୍ କରି ସୂଚନା ଦେଇଥିଲେ । ଏଥିରେ ସେ ମେଡିକାଲ ଯାଉଥିବା କଥା ଲେଖିଥିଲେ । ଆକ୍ଟର ବିଜୟଙ୍କ ସେଲଫି ସବୁଠୁ ଅଧିକ ରି-ଟ୍ବିଟ୍ କରାଯାଇଛି ।
Comments are closed.