ନୂଆଦିଲ୍ଲୀ:ବିବେକ ଅଗ୍ନିହୋତ୍ରୀଙ୍କ ‘ଦ କାଶ୍ମୀର ଫାଇଲ୍ସ’ ସିନେମା ହଲରେ ବୋବାଲ କରି ଦେଇଥିଲା । ଏହି ଫିଲ୍ମକୁ ଦର୍ଶକଙ୍କର ବେଶ ପ୍ରଶଂସା ମିଳିଥିଲା ଆଉ ଭଲ ପାଇବା ବି । ଏହି ଫିଲ୍ମ ପରେ ଅଗ୍ନିହୋତ୍ରୀ ଲଗାତାର ମିଡିଆ ଚର୍ଚ୍ଚାରେ ରହିଛନ୍ତି । ଏହି ଚର୍ଚ୍ଚା ଭିତରେ ଏବେ ଦର୍ଶକଙ୍କୁ ପୁଣି ଏକ ଭେଟି ଦେବାକୁ ଯାଉଛନ୍ତି ଅଗ୍ନିହୋତ୍ରୀ । ଗତ କିଛି ଦିନ ତଳେ ତାଙ୍କର ଫିଲ୍ମ ‘ଦ ଭ୍ୟାକ୍ସିନ ୱାର’ର ଟିଜର ଜାରି ହୋଇଥିଲା । ଏହାକୁ ଦର୍ଶକଙ୍କର ଜବରଦସ୍ତ ରେସ୍ପନ୍ସ ମିଳିଥିଲା । ଏବେ ନିକଟରେ ଅଗ୍ନିହୋତ୍ରୀ ଆଉ ଏକ ଫିଲ୍ମର ନାଁ ଘୋଷଣା କରିଛନ୍ତି । ଅଗ୍ନିହୋତ୍ରୀଙ୍କର ଅପକମିଂ ଫିଲ୍ମ ମହାଭାରତ ଉପରେ ହେବ ।
ବିବେକ ଅଗ୍ନିହୋତ୍ରୀ ନିଜେ କହିଛନ୍ତି, ସେ ମହାଭାରତ ଉପରେ ଫିଲ୍ମ କରିବେ । ଏକଥା ବି କହିଛନ୍ତି ଯେ ଏହି ଫିଲ୍ମ ଅନ୍ୟ ମହାଭାରତଠାରୁ ସମ୍ପୂର୍ଣ୍ଣ ଭିନ୍ନ ହେବ । ଟାଇମ୍ସ ନାଓ ସହ ଆଲୋଚନା ବେଳେ ଏ ସମ୍ପର୍କରେ ସୂଚନା ଦେଇ ବିବେକ କହିଛନ୍ତି, ମହାଭାରତ ଉପରେ ତାଙ୍କର ଫିଲ୍ମ କରିବାର ଲକ୍ଷ୍ୟ କେବେ ବି ନ ଥିଲା । ହେଲେ ଏବେ ଏହା ଉପରେ ସେ ବିଚାର କରୁଛନ୍ତି ।
ବିବେକ କହିଛନ୍ତି, ‘ମୁଁ ମହାଭାରତ ଉପରେ ଫିଲ୍ମ କରିବି ବୋଲି ଲୋକେ କାହିଁକି କହୁଥିଲେ ମୁଁ ଜାଣେନି । କିନ୍ତୁ ଏବେ ଭାବୁଛି କାହିଁକି ଏହା ଉପରେ ଫିଲ୍ମ ତିଆରି କରାଯିବନି ? ମୋ ସାରା ଜୀବନ ଏହି ପୁସ୍ତକ ପଢିବା ଏବଂ ଏହା ଉପରେ ଗବେଷଣା କରିବାରେ କଟାଇ ଦେଇଛି । ଏହାକୁ ଏକ ପୌରାଣିକ କଥା ଭାବେ ହିଁ ମୁଁ ତିଆରି କରିବି । ଅନେକ ମହାଭାରତ ଉପରେ ଫିଲ୍ମ କରନ୍ତି ବକ୍ସ ଅଫିସ ପାଇଁ । ଆଉ କେହି ଭୀମ, ଅର୍ଜ୍ଜୁନଙ୍କ ପରି ଚରିତ୍ରକୁ ସାମ୍ନାକୁ ଆଣିବା ପାଇଁ । ହେଲେ ମୋ ପାଇଁ ମହାଭାରତ ଧର୍ମ ବାନମ ଅଧର୍ମର କାହାଣୀ ହେବ ।’
ଏଠି କହିରଖିବୁ, ବିବେକ ଅଗ୍ନିହୋତ୍ରୀଙ୍କ ଅପକମିଂ ଫିଲ୍ମ ‘ ଦ ଭାକ୍ସିନ ୱାର’ ଏବେ ବେଶ ଚର୍ଚ୍ଚାରେ । ଏହି ଫିଲ୍ମରେ ନାନା ପାଟେକର ଏବଂ ପଲ୍ଲବୀ ଯୋଶୀ ଲିଡ ରୋଲ କରୁଛନ୍ତି । ଫିଲ୍ମଟି ସେପ୍ଟେମ୍ବର ୨୮ରେ ବଡ ପରଦାରେ ରିଲିଜ ହେବ । ‘ଦ କାଶ୍ମୀର ଫାଇଲ’ ପରେ ଏହି ଫିଲ୍ମକୁ ଦର୍ଶକ ଉତ୍ସୁକତାର ସହ ଅପେକ୍ଷା କରିଛନ୍ତି ।
Comments are closed.