ମୁମ୍ବାଇ: ବଲିଉଡର ଏ ଭଳି କେତେକ ଫିଲ୍ମ ଅଛି ଯାହାର ସିକ୍ୱେଲକୁ ଦର୍ଶକ ବ୍ୟଗ୍ରତା ସହକାରେ ଅପେକ୍ଷା କରିଥାନ୍ତି । ଏ ଭଳି ଏକ ଫିଲ୍ମ ହେଲା ଜଲି ଏଲଏଲବି । ଏହାର ତୃତୀୟ ସଂସ୍କରଣରେ ଅକ୍ଷୟ କୁମାର ଏବଂ ଅର୍ଶାଦ ୱାର୍ସି ଏକତ୍ର ଅଭିନୟ କରିବେ ଜଣାପଡିଛି । ସୂଚନାଯୋଗ୍ୟ ୨୦୧୩ରେ ରିଲିଜ ପ୍ରଥମ ପାର୍ଟରେ ଅର୍ଶାଦ ଏବଂ ୨୦୧୭ରେ ଦ୍ୱିତୀୟ ସଂସ୍କରଣରେ ଅକ୍ଷୟ ଅଭିନୟ କରିଥିଲେ । ୨ଟି ଯାକ ଫିଲ୍ମ ବକ୍ସ ଅଫିସରେ ଭଲ ବ୍ୟବସାୟ କରିଥିଲା । ପ୍ରଥମ ପାର୍ଟରେ ହିଟ ଆଣ୍ଡ ରନ କେସ ଓ ଦ୍ୱିତୀୟରେ ଫେକ ଏନକାଂଉଟର ଉପରେ ଫିଲ୍ମ ପର୍ଯ୍ୟବେଶିତ ଥିଲା ।
ସୌରଭ ଶୁକ୍ଲା ପୁନର୍ବାର ଜଜଙ୍କ ଭୂମିକାରେ ଅବତୀର୍ଣ୍ଣ ହେବେ ବୋଲି ମେକର୍ସଙ୍କ ପକ୍ଷରୁ ସ୍ପଷ୍ଟ କରାଯାଇଛି । ଅର୍ଶାଦ ଓ ଅକ୍ଷୟ ମିଳିତ ଭାବେ ଏକ ବଡ କେସକୁ ସମାଧାନ କରିବେ ନାଁ ସାମ୍ନା ସାମ୍ନି ହେବେ ତାହା ସ୍ପଷ୍ଟ ହୋଇନି । ସ୍କ୍ରିପ୍ଟ ଶେଷ ହେବା ପରେ ଅନ୍ୟ କଳାକାରଙ୍କ ଚୟନ କରାଯିବ । ଏହା ପରେ ଫିଲ୍ମ ଫ୍ଲୋରକୁ ଯିବ ବୋଲି ମେକର୍ସଙ୍କ ପକ୍ଷରୁ କୁହାଯାଇଛି । ଫିଲ୍ମର ନିର୍ଦ୍ଦେଶନା କିଏ ଦେବେ ତାହା ସ୍ପଷ୍ଟ ହୋଇନି ।
Comments are closed.