US-India Ties: ‘ଆମର ସମ୍ପର୍କ ବହୁତ ଭଲ’, ଭାରତ ସହିତ ସମ୍ପର୍କକୁ ନେଇ ପୁଣି ସମାଲୋଚନା କଲେ ଟ୍ରମ୍ପ….

ନୂଆଦିଲ୍ଲୀ: ଶୁଳ୍କ ବିବାଦ ଏବଂ ଭାରତ ବିଷୟରେ ବାରମ୍ବାର ବିବାଦୀୟ ବୟାନ ପରେ, ଭାରତ ଏବଂ ଆମେରିକା ମଧ୍ୟରେ ସମ୍ପର୍କ ଏବେ ନିମ୍ନ ସ୍ତରରେ ପହଞ୍ଚିଛି । ଭାରତ ଉପରେ ୫୦% ଶୁଳ୍କ ଲଗାଇବା ସହି ଭାରତକୁ କଡା ସମାଲୋଚନା ବି କରିଥିଲେ । ଆଉ ଏବେ ଚୀନ ଗସ୍ତରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତ୍ୟାବର୍ତ୍ତନ କରିବା ପରେ ପୁଣି ଥରେ ଡୋନାଲ୍ଡ ଟ୍ରମ୍ପ ତାଙ୍କ ଶୁଳ୍କକୁ ରକ୍ଷା କରିବା ସହିତ ଭାରତ ବିଷୟରେ ଆଉ ଏକ ବୟାନ ଦେଇଛନ୍ତି। ସେ କୁହନ୍ତି ଯେ ଭାରତ ସହିତ ଆମେରିକାର ସମ୍ପର୍କ ସର୍ବଦା ଭଲ ରହିଛି, କିନ୍ତୁ ଭାରତ ଆମ ଉପରେ ବହୁତ ଉଚ୍ଚ ଶୁଳ୍କ ଲାଗୁ କରିଆସୁଛି, ଯାହା ବିଶ୍ୱରେ ସର୍ବାଧିକ ଥିଲା। ସେଥିପାଇଁ ଆମେ ସେମାନଙ୍କ ସହିତ ପ୍ରାୟ କୌଣସି ବାଣିଜ୍ୟ କରୁନାହୁଁ।

ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୂର୍ବରୁ ଦାବି କରିଥିଲେ ଯେ ଦୁଇ ଦେଶ ମଧ୍ୟରେ ବାଣିଜ୍ୟ ସମ୍ପର୍କ ଅନେକ ଦଶନ୍ଧି ଧରି ସମ୍ପୂର୍ଣ୍ଣ ଏକପାଖିଆ ଥିଲା। ଏବେ ସେ କହିଥିଲେ ଯେ ଉଭୟ ଦେଶ ଭଲ ଭାବରେ ଆଲୋଚନା କରୁଛନ୍ତି। ଏହା ସହିତ, ସେ ଦାବି କରିଥିଲେ ଯେ ଭାରତ ଆମେରିକା ଉପରେ ବିଶ୍ୱରେ ସର୍ବାଧିକ ଶୁଳ୍କ ଲାଗୁ କରୁଛି।

ଏଥିସହିତ ସେ ଏହା ବି କହିଛନ୍ତି ଯେ, ଭାରତ ସହିତ ଆମର ସମ୍ପର୍କ ବହୁତ ଭଲ, କିନ୍ତୁ ଭାରତ ସହିତ ବହୁ ବର୍ଷ ଧରି ଏକପାଖିଆ ସମ୍ପର୍କ ଥିଲା। ଭାରତ ଆମ ଉପରେ ବହୁତ ଉଚ୍ଚ ଶୁଳ୍କ ଲାଗୁ କରୁଥିଲା। ଏହା ବିଶ୍ୱରେ ସର୍ବାଧିକ ଥିଲା, ଏବଂ ତେଣୁ ଆମେ ଭାରତ ସହିତ ବାଣିଜ୍ୟ କରୁନାହୁଁ, କିନ୍ତୁ ସେମାନେ ଆମ ସହିତ ବାଣିଜ୍ୟ କରୁଥିଲେ, କାରଣ ଆମେ ସେମାନଙ୍କ ଉପରେ ଶୁଳ୍କ ଲାଗୁ କରୁନାହୁଁ। ତେଣୁ ସେମାନେ ଯାହା ବି କଲେ, ସେମାନେ ଆମ ଦେଶକୁ ପଠାଇଲେ, କିନ୍ତୁ ଆମେ କିଛି ପଠାଇଲୁ ନାହିଁ, କାରଣ ସେମାନେ ଆମ ଉପରେ ୧୦୦ ପ୍ରତିଶତ ଶୁଳ୍କ ଲାଗୁ କରୁଥିଲେ।