ନୂଆଦିଲ୍ଲୀ: କରେନାକୁ ନେଇ ବିଶ୍ୱରେ ଅନ୍ୟ ଦେଶ ତୁଳନାରେ ଭାରତର ସ୍ଥିତି ଭଲ ଅଛି । ଭାତରରେ କରୋନା ସଂକ୍ରମଣକୁ ନିୟନ୍ତ୍ରଣ କରିବାରେ ଓ ସଂକ୍ରମିତ ସଂଖ୍ୟା ଦ୍ୱିଗୁଣିତ ହାରକୁ ବଢାଇବାରେ ସରକାର ସଫଳ ହୋଇଛନ୍ତି ବୋଲି କେନ୍ଦ୍ର ପରିବେଶ ସଚିବ ସି.କେ. ମିଶ୍ର କହିଛନ୍ତି ।
ସେ କହିଛନ୍ତି, ଆଜି ଲଲକଡାଉନକୁ ଗୋଟିଏ ମାସ ପୁରିଛି । ୩୦ ଦିନରେ ସଂକ୍ରମଣର ଗତି ହ୍ରାସ ପାଇଛି । କେସ ଦ୍ୱିଗୁଣା ହେବା ଗତିରେ ବ୍ରେକ ଲାଗିଛି । ଅଧିକରୁ ଅଧିକ ଯାଂଚ କରାଯାଇଛି । ଲକଡାଉନକୁ କରୋନା ମୁକାବିଲା କ୍ଷେତ୍ରରେ ବ୍ୟବହାର କରାଯାଉଛି ।
ସ୍ୱାସ୍ଥ୍ୟ ମନ୍ତ୍ରାଳୟର ସୂଚନାନୁସାରେ ଗତ ୨୪ ଘଣ୍ଟାରେ ଭାରତରେ ୧୪୦୯ଟି ନୂଆ ମାମଲା ଜଣାପଡ଼ିଛି । ଏହା ଫଳରେ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୨୧୩୯୩ରେ ପହଞ୍ଚିଛି । ୩୨୫୭ଜଣ ସୁସ୍ଥ ହୋଇଛନ୍ତି । ସୁସ୍ଥ ହାର ୧୯.୮୯ରେ ପହଁଚିଛି । ଆଜି ସୁଦ୍ଧା ଦେଶର ୧୨ ଟି ଜିଲ୍ଲାରେ ଗତ ୨୮ ଦିନ ହେଲା କୌଣସି ନୂଆ ମାମଲା ଦେଖାଯାଇନାହିଁ ଓ ୭୮ଟି ଜିଲ୍ଲାରେ ଗତ ୧୪ ଦିନରେ କୌଣସି ନୂଆ ମାମଲା ଦେଖାଯାଇ ନାହିଁ ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ଯୁଗ୍ମ ସଚିବ ଲବ ଅଗ୍ରଓ୍ୱାଲ କହିଛନ୍ତି ।
ସପଟେ ସହରାଞ୍ଚଳରେ ବରିଷ୍ଠ ନାଗରିକମାନଙ୍କ ଘରକୁ ଯାଇ ସ୍ୱାସ୍ଥ୍ୟସେବା ପ୍ରଦାନ କରୁଥିବା ବ୍ୟକ୍ତି, ପ୍ରିପେଡ ମୋବାଇଲ ରିଚାର୍ଜ କରୁଥିବା ସଂସ୍ଥା, ଖାଦ୍ୟ ପ୍ରକ୍ରିୟାକରଣୟୁନିଟଗୁଡ଼ିକୁ ଲକଡାଉନ ନିୟମରୁ ମୁକ୍ତ ରଖାଯାଇଛି ବୋଲି କେନ୍ଦ୍ର ଗୃହମନ୍ତ୍ରାଳୟର ଯୁଗ୍ମ ସଚିବ ପୁଣ୍ୟ ସଲିଳା ଶ୍ରୀବାସ୍ତବ କହିଛନ୍ତି।
