ଭୁବନେଶ୍ୱର: ଆଜି ଜଳୁଛି ରାଜଧାନୀ । ଆଜି ଦିନ ୧୧ ଟା ୩୦ ସୁଦ୍ଧା ରାଜଧାନୀ ଭୁବନେଶ୍ୱରର ତାପମାତ୍ରା ୩୯ଡ଼ିଗ୍ରୀ ଛୁଇଁଛି । ତାପମାତ୍ରା ଆହୁରି ବଢିବାର ସମ୍ଭାବନା ରହିଛି । ଆଜି ଦିନର ଆଦ୍ରତା ୩୧% ରେକର୍ଡ କରାଯାଇଛି ।
ଆଜି ଦିନ ସାଢେ ୧୧ଟା ସୁଦ୍ଧା ୬ ସହରର ତାପମାତ୍ରା ୩୫ ଡିଗ୍ରୀ ଉପରେ ଥିଲା । ରାଜଧାନୀରେ ସର୍ବାଧିକ ୩୯ ଡିଗ୍ରୀ ଥିବାବେଳେ ଝାରସୁଗୁଡାରେ ୩୮.୪ ଡ଼ିଗ୍ରୀ ସମ୍ବଲପୁରରେ ୩୮.୨ ଡ଼ିଗ୍ରୀ, ହୀରାକୁଦରେ ୩୭.୪ ଡ଼ିଗ୍ରୀ, ଚାନ୍ଦବାଲିରେ ୩୬.୬ ଡ଼ିଗ୍ରୀ କେନ୍ଦୁଝରରେ ତାପମାତ୍ରା ୩୬.୪ ଡ଼ିଗ୍ରୀ ସେଲସିୟସ ରହିଛି ।
ସେହିପରି ଗୋପାଳପୁରରେ ତାପମାତ୍ରା ୩୪.୬ ଡ଼ିଗ୍ରୀ ସେଲସିୟସ ଥିବାବେଳେ ବାଲେଶ୍ୱରରେ ୩୩.୬ ଡ଼ିଗ୍ରୀ, ପୁରୀରେ ୩୩ ଡ଼ିଗ୍ରୀ ଏବଂ ପାରାଦ୍ୱୀପରେ ୩୨.୬ ଡ଼ିଗ୍ରୀ ସେଲସିୟସ ରହିଛି ।
ଗତକାଲି ସମ୍ବଲପୁରରେ ସର୍ବୋଚ୍ଚ ତାପମାତ୍ରା ୪୩.୩ ଡିଗ୍ରୀ ଥିବାବେଳେ ଆଜି ସକାଳୁ ସକାଳୁ ଅସହ୍ୟ ହେଲାଣି ତାପମାତ୍ରା । ସେହିପରି ରାଜଧାନୀର ଦିନର ତାପମାତ୍ର ୩୯.୮ ଡିଗ୍ରୀ ଥିବାବେଳେ ଆଜି ସକାଳୁ ସକାଳୁ ୩୯ ଛୁଇଁଲାଣି । ତାପମାତ୍ରା ଆହୁରି ବଢିବାର ସମ୍ଭାବନା ଥିବା ପାଣିପାଗ ବିଭାଗ ପକ୍ଷରୁ କୁହାଯାଇଛି ।
Comments are closed.