କୋଲକତା: ପଶ୍ଚିମବଙ୍ଗ ବିଧାନସଭା ନିର୍ବାଚନରେ ଟିଏମସିର ଭଲ ପ୍ରଦର୍ଶନ ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ସମ୍ବୋଧିତ କରିଛନ୍ତି । କହିଛନ୍ତି, ସେ ଡବଲ ସେଞ୍ଚୁରୀର ଆଶା ରଖିଥିଲେ । ୨୨୧ଟି ଆସନ୍ ଜିତିବାକୁ ଆଶା ରଖିଥିଲେ । ଏହି ବିଜୟ ପଶ୍ଚିମବଙ୍ଗବାସୀଙ୍କ ବିଜୟ ବୋଲି କହିଛନ୍ତି ମମତା । ମମତା କହିଛନ୍ତି ଆମେ ବିଜୟ ଉତ୍ସବ ପାଳନ କରିବୁ ନାହିଁ ବରଂ କୋଭିଡ୍ ବିରୋଧୀ ଯୁଦ୍ଧ ଜାରି ରଖିବୁ ।
ମମତା ଅଭିଯୋଗ କରିଛନ୍ତି, ନିର୍ବାଚନରେ ନିର୍ବାଚନ ଆୟୋଗ ଖରାପ ବ୍ୟବହାର କରିଛନ୍ତି । ଏଥିସହ ମମତା ରାଜ୍ୟବାସୀଙ୍କୁ ମାଗଣା ଭ୍ୟାକ୍ସିନ୍ ଦେବାକୁ ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ ମମତା ବାନାର୍ଜୀ ଦେଶର ୧୪୦ କୋଟି ଜନତାଙ୍କୁ ମାଗଣା ଭ୍ୟାକ୍ସିନ୍ ଦେବାକୁ ଦାବି କରିଛନ୍ତି ।
ଯଦି ଦେଶବାସୀଙ୍କୁ ମାଗଣା ଟିକା ନମିଳିବ ତ ସେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ତଳେ ଧାରଣାରେ ବସିବେ ବୋଲି କହିଛନ୍ତି । ପଶ୍ଚିମବଙ୍ଗ ନିର୍ବାଚନରେ ମିଳିଥିବା ସଫଳତା ପାଇଁ ସେ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । କୋଭିଡ୍ ସରିବା ପରେ ବିଜୟ ଉତ୍ସବ ମନାଯିବ । କୋଭିଡ୍ କଟକଣାକୁ ପାଳନ କରି ଛୋଟ ଶପଥ ସମାରୋହ କରାଯିବ ବୋଲି କହିଛନ୍ତି ମମତା ।
Comments are closed.