ନୂଆଦିଲ୍ଲୀ: ପର୍ତୁଗାଲ ଫୁଟବଲ ଟିମର ଅଧିନାୟକ କ୍ରିଷ୍ଟିଆନୋ ରୋନାଲ୍ଡୋ ଖୁବ ଶୀଘ୍ର ଅବସର ନେଇ ପାରନ୍ତି । ତାଙ୍କ ଗର୍ଲଫ୍ରେଣ୍ଡ ଜର୍ଜିନା ରୋଡ୍ରିଗ୍ୟୁଜ ଏହି ଖୁଲାସା କରିଛନ୍ତି । ସେ କହିଛନ୍ତି ରୋନାଲ୍ଡୋ ଯେତେ ଦୂର ସମ୍ଭବ ବର୍ଷେ କିମ୍ବା ଦୁଇ ବର୍ଷ ମଧ୍ୟରେ ଫୁଟବଲକୁ ଅଲବିଦା କହି ପାରନ୍ତି । ପ୍ୟାରିସ ଫ୍ୟାଶନ ୱିକ ଅବସରରେ ସେ ଏହା କହିଛନ୍ତି । ସୂଚନାଯୋଗ୍ୟ, ନିକଟରେ ଅଲ ନସ୍ର ଓ ଲ ଶବାବ ମଧ୍ୟରେ ଅନୁଷ୍ଠିତ ମ୍ୟାଚ ଅବସରରେ ରୋନାଲ୍ଡୋ ଗୋଲ ସ୍କୋର କରିଥିଲେ । ତେବେ ଦର୍ଶକ ମେସି ମେସି କହିବାରୁ ସେ ରାଗି ଯାଇ ଅଭଦ୍ର ଇଶାରା କରିଥିଲେ । ତାଙ୍କୁ ଏ ନେଇ ଗୋଟିଏ ମ୍ୟାଚରୁ ବାସନ୍ଦ କରାଯିବା ସହ ୫ ହଜାର ଡଲାର ଜରିମାନା ଦଣ୍ଡରେ ଦଣ୍ଡିତ କରାଯାଇଥିଲା ।
ଏହି ଅଶୋଭନୀୟ କାର୍ଯ୍ୟ ନେଇ ରୋନାଲ୍ଡୋ ସମାଲୋଚିତ ହେବାକୁ ମଧ୍ୟ ପଡିଥିଲା । ବାସନ୍ଦ ସତ୍ୱେ ରୋନାଲ୍ଡୋ ଅଲ ହଜମ ବିପକ୍ଷ ମ୍ୟାଚ ଅବସରରେ ସେ ଷ୍ଟାଣ୍ଡରେ ବସି ଅଲ ନସ୍ର ଟିମର ମନୋବଳ ବଢ଼ାଇଥିଲେ । ରୋନାଲ୍ଡୋ ଚୁପଚାପ ବସିବା ଦେଖିବାକୁ ମିଳିଥିଲା । ସେ ୨୦୨୩ରେ ସର୍ବାଧିକ ୫୪ ଗୋଲ ସ୍କୋର କରିଥିଲେ । ବିଶ୍ୱରେ କୌଣସି ଖେଳାଳି ପ୍ରଫେଶନାଲ ଲିଗରେ ଏତେ ସଂଖ୍ୟକ ଗୋଲ କରି ନାହାନ୍ତି ।
Comments are closed.