ନୂଆଦିଲ୍ଲୀ: ମନ୍ଦିରର ମାଲିକ କିଏ? ପୂଜାରୀ ନା ସ୍ବୟଂ ଈଶ୍ବର। ଏ ବାବଦରେ ରା୍ର ଦେଇଛନ୍ତି ସର୍ବୋଚ୍ଚ ନ୍ୟାୟଳୟ। ମନ୍ଦିରରେ ପୂଜା ପାଉଥିବା ଦେବାଦେବୀ ହେଉଛନ୍ତି ମନ୍ଦିର ସହିତ ସଂଲଗ୍ନ ହୋଇଥିବା ଜମିର ମାଲିକ ଏବଂ ପୂଜାରୀ କେବଳ ପୂଜା କରିବା ଏବଂ ଦେବତାଙ୍କର ଗୁଣ ବଜାୟ ରଖିବା ପାଇଁ ସେଠାରେ ଅଛନ୍ତି। ମଧ୍ୟପ୍ରଦେଶ ସରକାରଙ୍କ ଦ୍ୱାରା ମନ୍ଦିର ସମ୍ପତ୍ତି ସମ୍ବନ୍ଧୀୟ ରାଜସ୍ୱ ରେକର୍ଡରୁ ପୂଜାରୀଙ୍କ ନାମ ହଟାଇବାକୁ ଦିଆଯାଇଥିବା ବିବୃତ୍ତିକୁ ସମର୍ଥନ କରି ସୁପ୍ରିମକୋର୍ଟ ଏହି ନିଷ୍ପତ୍ତି ଦେଇଛନ୍ତି।
ଏହି ସର୍କୁଲାରଗୁଡିକ ପୂର୍ବରୁ ମଧ୍ୟପ୍ରଦେଶ ଜମି ରାଜସ୍ୱ ସଂକେତ- ୧୯୫୯ ଅନୁଯାୟୀ ମଧ୍ୟପ୍ରଦେଶ ହାଇକୋର୍ଟଙ୍କ ଦ୍ବାରା ବନ୍ଦ କରାଯାଇଥିଲା। ଆବେଦନ କରି ରାଜ୍ୟ ଯୁକ୍ତି ଦର୍ଶାଇଥିଲେ ଯେ, ପୁଜାରୀଙ୍କ ଦ୍ୱାରା ବେଆଇନ ବିକ୍ରୟରୁ ମନ୍ଦିର ସମ୍ପତ୍ତିର ସୁରକ୍ଷା ପାଇଁ ଏଭଳି କାର୍ଯ୍ୟନିର୍ବାହୀ ନିର୍ଦ୍ଦେଶ ଦିଆଯାଇଛି। ଅନ୍ୟପକ୍ଷରେ ପୁଜାରୀମାନେ ଯୁକ୍ତି କରିଛନ୍ତି ଯେ ସେମାନଙ୍କୁ ମାଲିକାନାର ଅଧିକାର ଦିଆଯାଇଛି ଏବଂ କାର୍ଯ୍ୟନିର୍ବାହୀ ନିର୍ଦ୍ଦେଶ ଅନୁଯାୟୀ ଫେରାଇ ନିଆଯାଇପାରିବ ନାହିଁ।