ନୂଆଦିଲ୍ଲୀ: ଶହୀଦ ସିଡିଏସ ବିପିନ ରାଓ୍ୱତଙ୍କ ପରେ ଖାଲି ରହିଛି କେନ୍ଦ୍ର ସରକାରଙ୍କ ତିନି ସେନାର ମୁଖ୍ୟ ପଦ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ବା ସିଡିଏସ୍ ପଦ । ଏବେ ଏହି ପଦ ପାଇଁ ଆବେଦନ ପତ୍ର ଆହ୍ୱାନ କରିଛନ୍ତି କେନ୍ଦ୍ର ସରକାର । ସ୍ଥଳ ସେନା, ନୌସେନା ଓ ବାୟୁସେନାର ଅଧିକାରୀମାନଙ୍କୁ ଖାଲି ଥିବା ଏହି ପଦ ପାଇଁ ଆବେଦନ କରିବାକୁ କୁହାଯାଇଛି।
ଖବର ସରବରାହ ସଂସ୍ଥା ଏଏନ୍ଆଇର ସୂଚନା ଅନୁଯାୟୀ, ଏହି ପରିପ୍ରେକ୍ଷୀରେ ପ୍ରତିରକ୍ଷା ମନ୍ତ୍ରାଳୟ ସେନାର ତିନୋଟି ବିଭାଗରେ କାମ କରୁଥିବା ଶୀର୍ଷ 5 ଅଧିକାରୀଙ୍କ ନାମ ମାଗିଛି। ଯେଉଁମାନେ 2020 ଜାନୁଆରିରେ ଅବସର ଗ୍ରହଣ କରିଥିଲେ।
ଗତ ବର୍ଷ ହେଲିକପ୍ଟର ଦୁର୍ଘଟଣାରେ ସିଡିଏସ୍ ବିପିନ ରାୱତ ଶହୀଦ ହୋଇଥିଲେ। ଏହା ପରେ, ଏହି ପଦବୀ 8 ଡିସେମ୍ବର ଠାରୁ ଖାଲି ରହିଛି।
2019 ମସିହାରେ କ୍ଷମତାକୁ ଦ୍ୱିତୀୟ ଥର ଆସିବା ପରେ ନରେନ୍ଦ୍ର ମୋଦୀ ସରକାର ଭାରତୀୟ ସେନାରେ ପ୍ରତିରକ୍ଷା କର୍ମଚାରୀଙ୍କ ମୁଖ୍ୟ ଭାବରେ ଏହି ପଦ ତିଆରି କରିଥିଲେ। ଆଉ ବିପିନ ରାଓ୍ୱତ ଏହି ପଦରେ ନିୟୋଜିତ ହୋଇଥିଲେ।
Comments are closed.