ନୂଆଦିଲ୍ଲୀ: ଦେଶରେ କ୍ରମାଗତ ଭାବେ ଓମିକ୍ରୋନର ପ୍ରକୋପ ବଢିବାରେ ଲାଗିଛି। ଏହି ବିପଦ ମଧ୍ୟରେ ଆସନ୍ତା ବର୍ଷ ପାଞ୍ଚଟି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ସରକାରଙ୍କ ପାଇଁ ଏକ ଚ୍ୟାଲେଞ୍ଜ ହୋଇ ଛିଡା ହୋଇଛି। ଏହାକୁ ଦୃଷ୍ଟିରେ ରଖି ନିର୍ବାଚନ ଆୟୋଗ ଏବଂ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ମଧ୍ୟରେ ଆଜି ଏକ ଗୁରୁତ୍ୱପୂର୍ଣ୍ଣ ବୈଠକ ହେବାକୁ ଯାଉଛି। ଏହା କୁହାଯାଉଛି ଯେ ଦେଶରେ ଓମିକ୍ରନ୍ର ଭୟଙ୍କର ପରିସ୍ଥିତିକୁ ଦୃଷ୍ଟିରେ ରଖି ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇପାରେ।
ଆସନ୍ତା ବର୍ଷ ଆରମ୍ଭରେ ଉତ୍ତରପ୍ରଦେଶ ସମେତ ପାଞ୍ଚଟି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ନିର୍ବାଚନ ଆୟୋଗର ପ୍ରସ୍ତୁତି ମଧ୍ୟରେ ଆୟୋଗର ବରିଷ୍ଠ ଅଧିକାରୀମାନେ ସୋମବାର କେନ୍ଦ୍ର ସ୍ୱାସ୍ଥ୍ୟ ସଚିବଙ୍କ ସହ ଆଲୋଚନା କରିବେ। ସୂତ୍ରରୁ ପ୍ରକାଶ ଯେ କୋଭିଡ-୧୯ର ସ୍ଥିତି ଏବଂ ଓମିକ୍ରନ୍ ବିସ୍ତାର ବିଷୟରେ ଆୟୋଗ ସଚିବଙ୍କଠାରୁ ବିସ୍ତୃତ ସୂଚନା ଗ୍ରହଣ କରିବାର ସମ୍ଭାବନା ରହିଛି।
ଗୋଆ, ପଞ୍ଜାବ, ଉତ୍ତରାଖଣ୍ଡ ଏବଂ ମଣିପୁର ବିଧାନସଭାର କାର୍ଯ୍ୟକାଳ ଆସନ୍ତା ବର୍ଷ ମାର୍ଚ୍ଚରେ ବିଭିନ୍ନ ତାରିଖରେ ଶେଷ ହୋଇଥିବାବେଳେ ଉତ୍ତରପ୍ରଦେଶରେ ବିଧାନସଭାର କାର୍ଯ୍ୟକାଳ ମେ ମାସରେ ଶେଷ ହେବ। ଆସନ୍ତା ମାସରେ ନିର୍ବାଚନ ଆୟୋଗ ନିର୍ବାଚନ ତାରିଖ ଘୋଷଣା କରିପାରନ୍ତି।