ନୂଆଦିଲ୍ଲୀ: ଗତ କିଛି ଦିନ ହେଲା ହୁ ହୁ ହୋଇ ବଢିଚାଲିଛି ସୁନାର ମୂଲ୍ୟ। ମାତ୍ର ଗୋଟିଏ ଦଶନ୍ଧି ମଧ୍ୟରେ ଏହା ୨୫୦୦୦ ଟଙ୍କାରୁ ବୃଦ୍ଧି ପାଇ ୮୪,୩୦୦ ଟଙ୍କା ଛୁଇଁଛି। ଅଗଷ୍ଟ ୨୦୧୧ରେ ସୁନା ପ୍ରଥମ ଥର ପାଇଁ ୨୫,୦୦୦ ଟଙ୍କାକୁ ପହଞ୍ଚିଥିଲା ଏବଂ ଜୁଲାଇ ୨୦୨୦ରେ ଦଶ ଗ୍ରାମ ସୁନା ୫୦,୦୦୦ ଟଙ୍କା ପାର ହୋଇଥିଲା। ସୁନା ୨୫,୦୦୦ ଟଙ୍କାରୁ ୫୦,୦୦୦ ଟଙ୍କାରେ ପହଞ୍ଚିବାକୁ ମାତ୍ର ୧୦୮ ମାସ ଲାଗିଥିଲା। କିନ୍ତୁ ୫୦,୦୦୦ ଟଙ୍କାରୁ ୭୫,୦୦୦ ଟଙ୍କାରେ ପହଞ୍ଚିବାକୁ ମାତ୍ର ୪୮ ମାସ ଲାଗିଲା। ସେପ୍ଟେମ୍ବର ୨୦୨୪ରେ ସୁନାର ମୂଲ୍ୟ ୭୫ ହଜାର ଟଙ୍କାରେ ପହଞ୍ଚିଥିଲା। ଆଜି ଭାରତରେ ୨୪ କ୍ୟାରେଟ୍ ସୁନାର ମୂଲ୍ୟ ପ୍ରତି ଗ୍ରାମ ୮ ହଜାର ୪୩୦ ଟଙ୍କା ରହିଛି।
ସୁନା ପାଇଁ ପରବର୍ତ୍ତୀ ବଡ଼ ମାଇଲଖୁଣ୍ଟ ହେଉଛି ୧ ଲକ୍ଷ ଟଙ୍କା ଛୁଇଁବା। ଏଠାରେ ପ୍ରଶ୍ନ ହେଉଛି ୨୦୨୫ ମସିହାର ବାକି ୩୦୦ ରୁ ୩୩୦ ଦିନ ମଧ୍ୟରେ ସୁନାର ଦର ୧ ଲକ୍ଷ ଟଙ୍କା ଛୁଇଁବ କି? ଯଦି ସୁନାକୁ ୧ ଲକ୍ଷ ଟଙ୍କାରେ ପହଞ୍ଚିବାକୁ ହୁଏ, ତେବେ ଏହାକୁ ବର୍ତ୍ତମାନର ସ୍ତରଠାରୁ ମାତ୍ର ୧୩.୫ ପ୍ରତିଶତ ବୃଦ୍ଧି ଦେଖାଇବାକୁ ପଡିବ। ଏଠାରେ ଆଶ୍ଚର୍ଯ୍ୟଜନକ କଥା ହେଉଛି କିଛି ବିଶେଷଜ୍ଞ ଆକଳନ କରୁଛନ୍ତି ଯେ ଏହି ବର୍ଷ ସୁନାର ମୂଲ୍ୟ ପ୍ରାୟ ୧.୫୦ ଲକ୍ଷ ଟଙ୍କାରେ ପହଞ୍ଚିଯିବ। ଏହା କ’ଣ ସମ୍ଭବ?
ଜାନୁଆରୀରେ ଡୋନାଲ୍ଡ ଟ୍ରମ୍ପ ପୁଣିଥରେ କ୍ଷମତାକୁ ଆସିବା ପରଠାରୁ ବିଶ୍ୱ ଦ୍ରୁତ ଗତିରେ ପରିବର୍ତ୍ତନ ହେଉଛି। ଟ୍ରମ୍ପଙ୍କ ଟାରିଫ ସମ୍ପର୍କିତ ନୀତି ଯୋଗୁଁ ସାଧାରଣ ଲୋକମାନେ ବହୁତ ସମସ୍ୟାର ସମ୍ମୁଖୀନ ହେଉଛନ୍ତି। ମୁଦ୍ରାସ୍ଫୀତିରେ ବୃଦ୍ଧି ଘଟିଛି। ଏବେ ଯେତେବେଳେ ଆମେ ଏଥିରେ ବିଶ୍ୱସ୍ତରୀୟ ଅନିଶ୍ଚିତତାକୁ ଯୋଡିବା, ତେବେ ଏହା ସ୍ପଷ୍ଟ ହେବ ଯେ ସୁନା ମୂଲ୍ୟ ଦୃତ ଗତରେ ବୃଦ୍ଧି ପାଇବ। ଏଥିରେ କୌଣସି ଦ୍ୱନ୍ଦ ନାହିଁ।
ଆମେରିକୀୟ ଡଲାରରେ ସୁନା ମଧ୍ୟ ୩୦୦୦ ଡଲାର ମାଇଲଖୁଣ୍ଟ ନିକଟତର ହେଉଛି। ବର୍ତ୍ତମାନ, ଗୋଟିଏ ଆଉନ୍ସ ସୁନା ପ୍ରାୟ ୨୮୫୮ ଡଲାରରେ କାରବାର ହେଉଛି। ଏହା ପ୍ରତି ୧୦ ଗ୍ରାମ ପାଇଁ ପ୍ରାୟ ୧,୦୨୭ ଡଲାର ରହିଛି। ଏହାର ଅର୍ଥ ହେଉଛି ଭାରତୀୟ ଟଙ୍କାରେ ସୁନାର ମୂଲ୍ୟ ପ୍ରାୟ ୮୯,୪୦୦ ଟଙ୍କା, ଯାହା ଭାରତରେ ସୁନାର ମୂଲ୍ୟର ପାଖାପାଖି। ମେକଲାଇ ଫାଇନାନ୍ସିଆଲ୍ ସିଇଓ ଜମାଲ୍ ମେକଲାଇ ଏକ ଗଣମାଧ୍ୟମ ରିପୋର୍ଟରେ କହିଛନ୍ତି ଯେ ବଜାରରେ ସବୁକିଛି ସମ୍ଭବ, ଯଦିଓ ଏହା ଅଜବ ମନେହୁଏ।
ସୁନା ଆଉନ୍ସ ପିଛା ୩ ହଜାର ଆମେରିକୀୟ ଡଲାର ପାଖାପାଖି ପହଞ୍ଚିବା ସହିତ, ବଜାର ଅଧିକ ଚିନ୍ତିତ ହେବାରେ ଲାଗିଛି। ଯଦି ଆଉ ଏକ ଭୂରାଜନୈତିକ ଅନିଶ୍ଚିତତା ଘଟେ ଏବଂ ଏହା ୩ ହଜାର ଆମେରିକୀୟ ଡଲାର ଅତିକ୍ରମ କରେ, ତେବେ ସୁନା ମୂଲ୍ୟରେ ଆହୁରି ବୃଦ୍ଧି ଘଟିପାରେ।
Comments are closed.