ନାଇସି: ଫ୍ରାନ୍ସର ନାଇସି ସହରର ନୋଟ୍ରେ ଡ୍ରାମ ଚର୍ଚ୍ଚରେ ଆଜି ଜଣେ ଆତଙ୍କବାଦୀ ବିଭତ୍ସ କାଣ୍ଡ ଘଟାଇଛି । ଚର୍ଚ୍ଚ ମଧ୍ୟରେ ପ୍ରବେଶ କରି ଆତଙ୍କବାଦୀ ଜଣଙ୍କ ସମସ୍ତଙ୍କୁ ଗୋଡାଇ ଗୋଡାଇ ଛୁରୀ ଭୁଷିଥିଲା । ଜଣେ ମହିଳାଙ୍କ ବେକ କାଟି ଦେଇଥିଲା । ଏଥିରେ ୩ଜଣ ମୃତ୍ୟୁବରଣ କରିଥିବା ବେଳେ ଅନେକ ଆହତ ହୋଇଛନ୍ତି । କେତେଜଣ ଗୁରୁତର ଆହତ ହୋଇଥିବାରୁ ମୃତ୍ୟୁ ସଂଖ୍ୟା ବଢ଼ିପାରେ ବୋଲି ଆଶଙ୍କା କରାଯାଇଛି । ଆତଙ୍କବାଦୀକୁ ପୋଲିସ ଗିରଫ କରିଥିବା ବେଳେ ସ୍ଥିତି ନିୟନ୍ତ୍ରଣରେ ରହିଛି ବୋଲି ମେୟର କ୍ରିଷ୍ଟିଆନ ଏଷ୍ଟ୍ରୋସି କହିଛନ୍ତି ।
ଏହାର କାରଣ ଜଣା ପଡି ନ ଥିବା ବେଳେ ଏହା ପଛରେ ଆତଙ୍କବାଦୀ ସଂଗଠନର ହାତ ଥିବା ସନ୍ଦେହ କରାଯାଉଛି । ନିକଟରେ ଜଣେ ସ୍କୁଲ ଶିକ୍ଷକଙ୍କ ମୁଣ୍ଡ ଆତଙ୍କବାଦୀମାନେ କାଟି ଦେଇଥିଲେ । ପୋଲିସ ଏହା ପରେ କଠୋର ପନ୍ଥା ଆପଣାଇ ଆତଙ୍କବାଦୀମାନଙ୍କୁ ଧରିବାରେ ଲାଗିଛି ।
Comments are closed.