ଅତ୍ୟଧିକ ଉତ୍ତେଜନା ଯୋଗୁ ଏଏସଆଇ ଆଲିଶାଙ୍କର ମୃତ୍ୟୁ ଘଟିଥିଲା: ଆସିଲା ଫୋରେନ୍ସିକ ରିପୋର୍ଟ

ଅକ୍ଟୋବର ୨ ତାରିଖରେ ଏକ ବସ କାରକୁ ଧକ୍କା ଦେଇ ଦ୍ରୁତ ଗ୍ତିରେ ରାଉରକେଲା ବସଷ୍ଟାଣ୍ଡ ଭିତରକୁ ପଶି ଯାଇଥିଲା । ସ୍ଥାନୀୟ କିଛି ଯୁବକ ବସକୁ ପିଛା କରି ସେଠାରେ ପହଞ୍ଚିଥିଲେ । ରାଉରକେଲା ବସଷ୍ଟାଣ୍ଡ ନିକଟରେ ବସକୁ ଅଟକାଇବା ସହ ବସର କାଚ ଭଙ୍ଗାରୁଜା କରିଥିଲେ । ଖବର ପାଇ ପିସିଆର ଭ୍ୟାନ ସେଠାରେ ପହଞ୍ଚି ଘଟଣାରେ ହସ୍ତକ୍ଷେପ କରିଥିଲା ।ଏହାପରେ ସେଠାରେ ଗଣ୍ଡଗୋଳ ଓ ମାରପିଟ ଆରମ୍ଭ ହୋଇଥିଲା ।

ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ପିସିଆର ଭ୍ୟାନରେ ଥିଲେ ଏଏସଆଇ ଆଲିଶା । ଜଣେ ଯୁବତୀଙ୍କ ସମେତ ଅନ୍ୟମାନଙ୍କୁ ଧରି ଭ୍ୟାନରେ ଥାନାକୁ ଫେରୁଥିଲେ । ଏହି ସମୟରେ ଆଲିଶାଙ୍କର ବାନ୍ତି ହୋଇଥିଲା ।ତୁରନ୍ତ ତାଙ୍କୁ ହାଇଟେକ ମେଡକାଲ ନିଆଯାଇଥିଲା  । ସେଠାରେ ତାଙ୍କର ମୃତ୍ୟୁ ଘଟିଥିଲା ।