ସୋନପୁର: ସୋନପୁର କଇଁଫୁଲ ଗାଁରେ ୨୦ଫୁଟ ବୋରୱେଲରୁ ଉଦ୍ଧାର କରାଯାଇଥିବା ବୃଦ୍ଧାଙ୍କର ମୃତ୍ୟୁ ଘଟିଛି । ଏନେଇ ଡାକ୍ତରଖାନା ପକ୍ଷରୁ ସ୍ପଷ୍ଟ କରାଯାଇଛି । ବୋରୱେଲରୁ ଉଦ୍ଧାର ପରେ ତାଙ୍କୁ ଡାକ୍ତରଖାନା ନିଆ ଯାଇଥିଲା । ହେଲେ ସେଠାରେ ତାଙ୍କର ମୃତ୍ୟୁ ଘଟିଥିବା ଡାକ୍ତର ସୂଚନା ଦେଇଛନ୍ତି । ବଞ୍ଚିବା ପାଇଁ ବୋରୱେଲ ଭିତରେ ୧୮ ଘଣ୍ଟା ମୃତ୍ୟୁ ସଂହ ସଂଘର୍ଷ କରିଥିଲେ । ଶେଷରେ ହାରିଗଲେ ।
ଗତକାଲି ରାତିରେ ଝିଅ ଘରକୁ ଆସିଥିବା ଖଲିଆପାଲି ପଞ୍ଚାୟତ ଗୋବିନ୍ଦପୁର ଗାଁର ୬୦ ବର୍ଷିୟା ଦୁଃଖୀ ନେଗୀ ୨୦ଫୁଟର ବୋରୱେଲରେ ପଡି ଯାଇଥିଲେ । ଅନେକ ଖୋଜାଖୋଜି ପରେ ଦୁଃଖୀ ବୋରୱେଲରେ ପଡିଯାଇଥିବା ଜଣାପଡିଥିଲା । ସଙ୍ଗେ ସଙ୍ଗେ ଅଗ୍ନିଶମ ବହିନୀକୁ ଖବର ଦେଇଥିଲେ ପରିବାର ଲୋକେ । ଘଟଣାସ୍ଥଳରେ ଅଗ୍ନୀଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲ ।
ପ୍ରାୟ ୩ଘଣ୍ଟା ପରିଶ୍ରମ କରିବା ପରେ ତାଙ୍କୁ ବୋରୱେଲ ଭିତରୁ ଉଦ୍ଧାର କରିଥିଲା ସୋନପୁର ଓ ତରଭା ଅଗ୍ନିଶ୍ରମ ବାହିନୀ । ବୋରୱେଲ ଭିତରକୁ ଅକ୍ସିଜେନ ଦିଆଯାଇଥିଲା ଓ ଜେସିବି ମେସିନ ଡକାଯାଇ ଖୋଳାଖୋଳି କରିବା ପରେ ବୃଦ୍ଧାଙ୍କୁ ଉଦ୍ଧାର କରାଯାଇଥିଲା । ତାଙ୍କୁ ଡାକ୍ତରଖାନା ନିଆ ଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
Comments are closed.