ୟୁକ୍ରେନ: ଆଜିକାଲି ଲୋକମାନେ ସୋସିଆଲ ମିଡିଆ ପସିଦ୍ଧି ଅର୍ଜନ ପାଇଁ ଯେକୌଣସି ସ୍ତରକୁ ଯିବାକୁ ପଛାଉ ନାହାନ୍ତି । ନିଜର ପରିଚୟ ସୃଷ୍ଟି କରିବାକୁ ଲୋକେ ଏମିତି କିଛି କରନ୍ତି, ଯାହା ଦେଖି ସମସ୍ତେ ଆଶ୍ଚର୍ଯ୍ୟ ହୁଅନ୍ତି । ୟୁକ୍ରେନର ଜଣେ ଯୁବତୀ ସର୍ଜରୀ ଦ୍ୱାରା ନିଜର ଗାଲକୁ ବଡ଼ କରିଛନ୍ତି । ଯେଉଁଥିପାଇଁ ସେ ଦୁନିଆର ସବୁଠୁ ବଡ଼ ଗାଲ ଥିବା ମହିଳା ଭାବେ ପରିଚିତ ହୋଇପାରିଛନ୍ତି । କେବଳ ସେତିକି ନୁହେଁ, ସେ ନିଜ ଓଠକୁ ବଢାଇବା ପାଇଁ ମଧ୍ୟ ଅନେକ ସର୍ଜରୀ କରିଛନ୍ତି ।
ୟୁକ୍ରେନର ଆନାସ୍ତାସିଆ ପୋକ୍ରେଶଚୁକ । ସେ ନିଜର ଅନନ୍ୟ ଫ୍ୟାଶନ ଶୈଳୀ ପାଇଁ ଜଣାଶୁଣା । ମୁହଁ ଏବଂ ଶରୀରରେ ପରିବର୍ତ୍ତନ ଏବଂ ପ୍ଲାଷ୍ଟିକ ସର୍ଜରୀ ପାଇଁ ସେ ପ୍ରସିଦ୍ଧ । ତାଙ୍କ ଗାଲ, ଓଠକୁ ବଢାଇବା ପାଇଁ ଅନେକ ସର୍ଜରି କରିଛନ୍ତି । ଆନାସ୍ତାସିଆ ପୋକ୍ରେଶଚୁକ ବିଶ୍ୱର ସବୁଠୁ ବଡ଼ ଗାଲଥିବା ମହିଳା ଭାବେ ମଧ୍ୟ ଜଣାଶୁଣା । ବର୍ତ୍ତମାନ ସେ ତାଙ୍କ ନଖକୁ ଏକ ନୂଆ ରୂପ ଦେଇଛନ୍ତି, ଏଥିପାଇଁ ସେ ଚର୍ଚ୍ଚାରେ ଅଛନ୍ତି । ସେ ତାଙ୍କ ନଖକୁ ଅତି ଲମ୍ବା ଏବଂ ତୀକ୍ଷ୍ଣ କରିଛନ୍ତି । ଏହାର ଏକ ଭିଡିଓ ସେ ସୋସିଆଲ ମିଡ଼ିଆରେ ସେୟାର କରିଛନ୍ତି, ଯେଉଁଥିରେ ସେ ତାଙ୍କର ବିସ୍ତାରିତ ଏବଂ ସଜାଯାଇଥିବା ନଖକୁ ଦେଖାଉଛନ୍ତି ।
କିଛି ଲୋକ ଆନାସ୍ତାସିଆର ନୂଆ ଲୁକକୁ ପ୍ରଶଂସା କରିଛନ୍ତି ଏବଂ ଏହାକୁ ଚମତ୍କାର ଏବଂ ଆଶ୍ଚର୍ଯ୍ୟଜନକ ବୋଲି କହିଛନ୍ତି । ତେବେ ଅନ୍ୟମାନେ ଏହାକୁ ଅଦ୍ଭୁତ ଏବଂ ଭୟଙ୍କର ବୋଲି କହିଛନ୍ତି ।
Comments are closed.