ଗଭୀର ସମୁଦ୍ରରେ ଅନେକ ପ୍ରକାର ଜୀବ ଅଛନ୍ତି । ସେଥିମଧ୍ୟରୁ କିଛି ବିଷାକ୍ତ ହୋଇଥିବା ବେଳେ ଆଉ କିଛି ସାଧାରଣ ଥାଆନ୍ତି । ସେହିପରି ଅଧିକାଂଶ ଲୋକ ସମୁଦ୍ର ପ୍ରାଣୀ ଖାଇବାକୁ ବହୁତ ପସନ୍ଦ କରିଥାନ୍ତି । ଯେମିତି କି ମାଛ, କଙ୍କଡା ଆଦି । ଖାସ୍ କରି ସମୁଦ୍ରରେ ଅନେକ ପ୍ରକାରର ମାଛ ମଧ୍ୟ ଅଛି । ପ୍ରତ୍ୟେକ ବ୍ୟକ୍ତି ନିଜ ସ୍ୱାଦ ଅନୁସାରେ ମାଛ ଖାଇବାକୁ ପସନ୍ଦ କରନ୍ତି । କିନ୍ତୁ ଆପଣ ଜାଣିଛନ୍ତି କି ସମୁଦ୍ର ମାଛରେ ମଧ୍ୟ ଏପରି ଏକ ମାଛ ଅଛି, ଯାହା ଦୁନିଆର ସବୁଠୁ ଅଧିକ ବିଷାକ୍ତ ଅଟେ । ଏହି ମାଛକୁ ଛୁଇଁଲେ ହିଁ ମୃତ୍ୟୁ ହୋଇଥାଏ ।
ଏହି ବିଷାକ୍ତ ମାଛର ନାମ ହେଉଛି ଷ୍ଟୋନ୍ ଫିସ୍ ବା ପଥର ମାଛ । ଏହି ମାଛର ନାମ ତାର ଚେହେରାକୁ ନେଇ ଏପରି ହୋଇଛି । ଏହାର ଆକୃତି ଦେଖିବାକୁ ଠିକ୍ ପଥର ପରି । ଯଦି ଏହାକୁ କୌଣସି ବ୍ୟକ୍ତି ସ୍ପର୍ଶ କରନ୍ତି, ତେବେ ତାଙ୍କର ମୃତ୍ୟୁ ସୁନିଶ୍ଚିତ । ତାଙ୍କର ଏହି ବିଶେଷତା ହେତୁ ଏହି ମାଛଗୁଡ଼ିକ ନିଜ ଶତ୍ରୁମାନଙ୍କଠାରୁ ସୁରକ୍ଷିତ ରୁହନ୍ତି । ଏମିତି କି ଏହି ମାଛଠାରୁ ଦୂରେଇ ରହିବାକୁ ମତ୍ସ୍ୟଜୀବୀମାନଙ୍କୁ ମଧ୍ୟ ପରାମର୍ଶ ଦିଆଯାଇଛି । ଯଦି କୌଣସି ମତ୍ସ୍ୟଜୀବୀ ଏହି ମାଛ ଦେଖନ୍ତି, ତେବେ ସେମାନେ ତୁରନ୍ତ ପଳାଇ ଯିବାକୁ କୁହାଯାଇଛି । ଦୁନିଆର ସବୁଠାରୁ ବିପଜ୍ଜନକ ଏହି ମାଛ ସବୁ ସ୍ଥାନରେ ଦେଖିବାକୁ ମିଳେ ନାହିଁ ।
ଏମାନଙ୍କ ଶରୀର ଏକ ପଥର ପରି ଦେଖାଯାଉଥିବାରୁ ଲୋକମାନେ ଏହାକୁ ସହଜରେ ଦେଖିବାରେ ସକ୍ଷମ ହୁଅନ୍ତି ନାହିଁ । ଯେତେବେଳେ କୌଣସି ବ୍ୟକ୍ତି ଏହା ଉପରେ ପାଦ ରଖନ୍ତି, ତାର ଶରୀରରୁ ନ୍ୟୁରୋଟକ୍ସିନ ନାମକ ଏକ ବିଷ ବାହାରିଥାଏ । ଏହି କାରଣରୁ ଲୋକମାନଙ୍କର ମୃତ୍ୟୁ ହୋଇଥାଏ । ବିଶେଷଜ୍ଞଙ୍କ କହିବା ଅନୁଯାୟୀ, ଯଦି ବ୍ୟକ୍ତିଙ୍କ ଶରୀରର କୌ ଣସି ଅଂଶ ଏହି ମାଛର ବିଷର ସଂସ୍ପର୍ଶରେ ଆସିଛି, ତେବେ ତାଙ୍କୁ ବଞ୍ଚାଇବା ପାଇଁ କେବଳ ଗୋଟିଏ ଉପାୟ ଅଛି । ଏହି ବିଷର ସଂସ୍ପର୍ଶରେ ଆସିଥିବା ଅଂଶକୁ କାଟିବାକୁ ପଡିବ ।
ଏହାକୁ ଦୁନିଆର ସବୁଠାରୁ ବିପଜ୍ଜନକ ମାଛ ବୋଲି କହିବାର ଆଉ ଏକ କାରଣ ଅଛି । ଏହା ବିଷକୁ ଶୀଘ୍ର ମୁକ୍ତ କରିଥାଏ । ଏହି ମାଛ ଛୁଇଁବାର ମାତ୍ର ୦.୫ ସେକେଣ୍ଡ ମଧ୍ୟରେ ବିଷ ଛାଡିଥାଏ । ଏଥିସହ, ଯଦି ଏହି ମାଛର ଗୋଟିଏ ବୁନ୍ଦା ବିଷ ସହରର ପାନୀୟ ଜଳରେ ମିଶ୍ରିତ ହୁଏ, ତେବେ ସମଗ୍ର ସହରର ଲୋକଙ୍କ ମୃତ୍ୟୁ ହୋଇଯିବ ।
