ପୁଣି ବିବାଦ ଘେରରେ ବାଂଲାଦେଶୀ ଲେଖିକା ତସଲିମା ନାସରିନ୍

ଭୁବନେଶ୍ୱର: ପୁଣି ବିବାଦ ଘେରକୁ ଚାଲି ଆସିଛନ୍ତି ବାଂଲାଦେଶୀ ଲେଖିକା ତସଲିମା ନାସରିନ୍ । ଇଂଲଣ୍ଡର ଅଲରାଉଣ୍ଡର ମୋଇନ ଅଲୀଙ୍କୁ ଟାର୍ଗେଟ କରି ବିରୋଧର ଶିକାର ହୋଇଛନ୍ତି । ପୂର୍ବରୁ ମଧ୍ୟ ଭିନ୍ନ ଭିନ୍ନ ମନ୍ତବ୍ୟ ଦେବା ସହ ବିରୋଧୀ ଲେଖା ପାଇଁ ତାଙ୍କୁ ବହୁବାର ହତ୍ୟା ଧମକ ମିଳିଛି । ଏମିତିକି ତାଙ୍କର କିଛି ବିବାଦୀୟ ଲେଖ। ପାଇଁ ତାଙ୍କୁ ବାଂଲାଦେଶ ଛାଡିବାକୁ ବି ପଡିଛି । ବହୁତ କିଛି ଛାଡିବାକୁ ପଡିଥିଲେ ବି ତସଲିମା ସବୁବେଳେ ପୁରୁଷ ପ୍ରାଧାନ୍ୟ ସମାଜ ଓ ମହିଳା ଅଧିକାର ପାଇଁ ଆଗକୁ ବାହାରିଛନ୍ତି । ୧୯୯୪ରେ ବାଂଲାଦେଶ ଛାଡିଥିବା ବେଳେ ସ୍ୱିଡେନ୍‌ରେ ନାଗରିକତା ଗ୍ରହଣ କରିଥିଲେ । ତାଙ୍କର ଆତ୍ମଜୀବନୀରୁ ନେଇ ବହୁ ଉପନ୍ୟାସ ଲେଖିଥିଲେ । ‘ଲଜ୍ଜା’ଉପନ୍ୟାସ ବହୁ ଚର୍ଚ୍ଚାରେ ରହିଥିବା ବେଳେ ତାହା ବାଂଲାଦେଶରେ ବ୍ୟାନ୍ କରିଦିଆଯାଇଥିଲା । ତାଙ୍କର ବିଭିନ୍ନ ଲେଖା ପାଇଁ ମଧ୍ୟ ବହୁବାର ସମ୍ମାନୀତ ହୋଇଛନ୍ତି । ତସଲିମାଙ୍କ ‘ନିର୍ବାଚିତ କଲମ’ ବେଶ୍ ପ୍ରଶାଂସା ସାଉଁଟିଥିଲା । ସେ ଦିଲ୍ଳୀରେ ରହିବା ସହିତ ବିଭିନ୍ନ ଦେଶ ମଧ୍ୟ ବୁଲିଛନ୍ତି । ହେଲେ ଏବେ ବି ଇସଲାମ ନୀତିକୁ ବିରୋଧ ସହିତ ମହିଳା ଅଧିକାର ପାଇଁ ତାଙ୍କର ଲଢେଇ ଜାରି ରହିଛି ।