ମୁମ୍ବାଇ: ରଣବୀର କାପୁରଙ୍କ ଶମଶେରା ବକ୍ସ ଅଫିସରେ ଧରାଶୟୀ ହୋଇଛି । ଏଥିସହ ୟଶରାଜ ବ୍ୟାନରର କ୍ରମାଗତ ୫ମ ଫିଲ୍ମ ଫ୍ଲପ ହୋଇଛି । ପ୍ରେମ କାହାଣୀରେ ସିଦ୍ଧହସ୍ତ ୟଶରାଜ ବ୍ୟାନରର ପିରିୟଡ ଡ୍ରାମାରେ ଅଭିଜ୍ଞତା କମ । ଏହା ବ୍ୟତୀତ କ୍ରମାଗତ ଭାବେ ଏ ଭଳି ଫିଲ୍ମ ନିର୍ମାଣ ହେଉଥିବାରୁ ଦର୍ଶକଙ୍କ ଏଥିପ୍ରତି ରୁଚି କମିବାରେ ଲାଗିଛି । ୪ ବର୍ଷ ପରେ ଏହି ଫିଲ୍ମ ମାଧ୍ୟମରେ ରଣବୀର ପ୍ରତ୍ୟାବର୍ତନ କରିଥିଲେ ମଧ୍ୟ ତାହା ମଧ୍ୟ ଦର୍ଶକଙ୍କ ଦ୍ୱାରା ଗ୍ରହଣୀୟ ହୋଇ ନ ଥିଲା । ଶମଶେରା ପୂର୍ବରୁ ଠଗ୍ସ ଅଫ ହିନ୍ଦୁସ୍ତାନ (ଅମିତାଭ ବଚ୍ଚନ, ଅମୀର ଖାଁ), ବଂଟି ଔର ବବଲୀ ୨ ( ସୈଫ ଅଲୀ ଖାଁ, ରାଣୀ ମୁର୍ଖାଜୀ), ଜୋୟେଶ ଭାଇ ଜୋରଦାର (ରଣବୀର) ଓ ସମ୍ରାଟ ପୃଥ୍ୱୀରାଜ (ଅକ୍ଷୟ କୁମାର ଓ ସୋନୁ ସୁଦ) ଫ୍ଲପ ହୋଇସାରିଛି ।
ସଲମାନ ଖାଁଙ୍କ ଟାଇଗର ୩ ଏବଂ ଶାହାରୁଖ ଖାଁଙ୍କ ପଠାନ ଫିଲ୍ମ ୟଶରାଜ ବ୍ୟାନରର ସମ୍ମାନ ବଂଚାଇବେ ବୋଲି ଆଶା କରାଯାଉଛି । ଏହି ୨ ଫିଲ୍ମ ୨୦୨୩ରେ ରିଲିଜ ହେବ । ଯଦି ଏହା ହିଟ ନ ହୁଏ ତାହା ହେଲେ ଆଗକୁ ଏହି ବ୍ୟାନରରେ ବଡ ଅଭିନେତା ସାମିଲ ହେବାକୁ ମନା କରିପାରନ୍ତି ।
Comments are closed.