ମାଡ୍ରାସ: ଦକ୍ଷିଣ ଭାରତ ଏବେ ପଡୁଛି ଉଠୁଛି କହିଲେ ଭୁଲ ହେବନି । ଦୁଇ ମେଗାଷ୍ଟାର ଥାଲପତି ବିଜୟଙ୍କ ବିଷ୍ଟ ଏବଂ ସୁପରଷ୍ଟାର ୟଶଙ୍କ କେଜିଏଫ ୨ ଫିଲ୍ମ ଏପ୍ରିଲ ୧୪ରେ ରିଲିଜ ହେବ । ୟଶଙ୍କ ପ୍ରଶଂସକମାନେ ମଙ୍ଗଳବାର ସବୁଠାରୁ ବଡ ମୋଜେକ ପୋଟ୍ରେଟ କରି ବିଶ୍ୱରେକର୍ଡ କରିଛନ୍ତି । ୨୫, ୬୫୦ ସ୍କ୍ୱାୟର ଫୁଟରେ ସେମାନେ ୧୩୫ ଗୁଣନ ୧୯୦ ଫୁଟର ବିଶାଳ ମୋଜେକ ପ୍ରସ୍ତୁତ କରିଥିଲେ । ଏଥିପାଇଁ ସେମାନଙ୍କୁ ୨୩, ୪୦୦ ପୁସ୍ତକର ସାହାଯ୍ୟ ନେବାକୁ ପଡିଥିଲା । କର୍ଣ୍ଣାଟକ ରକିଂ ଷ୍ଟାର ୟଶ ଫ୍ୟାନ୍ସ ଆସୋସିଏଶନର ସଦସ୍ୟମାନେ ଦିନ ରାତି ଏକକାର କରି ଏହାକୁ ପ୍ରସ୍ତୁତ କରିଥିଲେ ।
ଏହା ପୂର୍ବରୁ କେଜିଏଫ ୨ର ଟ୍ରେଲର ରିଲିଜ ହେବାର ୨୪ ଘଂଟା ମଧ୍ୟରେ ସର୍ବାଧିକ ଭ୍ୟୁଜ ରେକର୍ଡ କରିଥିଲା । ସୂଚନା ମୁତାବକ ଆଡଭାନ୍ସ ବୁକିଂରେ ମଧ୍ୟ ଏହି ଫିଲ୍ମ ନୂତନ କୀର୍ତିମାନ ସ୍ଥାପନ କରିଛି । ୟଶ ଅଭିନୀତ ଏହି ଫିଲ୍ମରେ ସଞ୍ଜୟ ଦତ ଏବଂ ରବୀନା ଟଣ୍ଡନ ଗୁରୁତ୍ୱପୂର୍ଣ୍ଣ ଭୂମିକା ତୁଲାଉଛନ୍ତି ।
Comments are closed.