ୟେସ୍ ବ୍ୟାଙ୍କ ମାମଲା: ରାଣା କପୁର ଓ ଅନ୍ୟ ୭ ଠିକଣା ଉପରେ ସିବିଆଇ ରେଡ୍‌

ନୂଆଦିଲ୍ଲୀ: ୟେସ୍ ବ୍ୟାଙ୍କ ମାମଲାରେ ସିବିଆଇର ଘନ ଘନ ଚଢ଼ାଉ । ପ୍ରତିଷ୍ଠାତା ରାଣା କପୁର ଓ ଅନ୍ୟମାନଙ୍କ ବିରୋଧରେ ଦିଆଯାଇଥିବା ଏଫ୍‌ଆଇଆର୍ ଆଧାରରେ ସିବିଆଇ ୭ଟି ସ୍ଥାନରେ ଚଢ଼ାଉ କରିଛି । ଆଜି ମୁମ୍ବାଇ ସ୍ଥିତ ଡିଏଚ୍‌ଏଫ୍‌ଏଲ, ଆର୍‌କେଡବ୍ଲୁ ଡେଭଲପର୍ସ ଏବଂ ଡୁଇଟ ଅର୍ବାନ ଭେଂଚର୍ସ ପ୍ରାଇଭେଟ୍ ଲିମିଟେଡ ଆଦି କମ୍ପାନୀର ମାଲିକାନା ସହ ସମ୍ପୃକ୍ତି ଥିବା ପ୍ରତିଷ୍ଠାନ ଓ ରାଣା କପୁରଙ୍କ ବାସ ଭବନରେ ରେଡ୍ ହୋଇଛି । ୟେସ୍ ବ୍ୟାଙ୍କରୁ ଋଣ ପାଇବାକୁ ଡଏଚ୍‌ଏଫ୍‌ଏଲ୍ ରାଣା କପୁରଙ୍କ ପରିବାରକୁ ୬ଶହ କୋଟି ଟଙ୍କା ଲଂଚ ଦେଇଥିବା ଅଭିଯୋଗ ହୋଇଥିଲା । ଏଫ୍‌ଆଇଆର୍‌ରେ ଉଲ୍ଲେଖ ରହିଛି ଯେ, ୨୦୧୮ ଏପ୍ରିଲରୁ ଜୁମ୍ ମାସ ମଧ୍ୟରେ ଏହି ଦୁର୍ନୀତି ଆରମ୍ଭ ହୋଇଥିଳା । ଏହି ସମୟରେ ୟେସ୍ ବ୍ୟାଙ୍କ ଡିଏଚ୍‌ଏଫ୍‌ଏଲ୍‌’ର ସ୍ପଳ୍ପ ମିଆଦି ଡିବେନ୍‌ଚରର୍ସରେ ୩୭୦୦ କୋଟି ଟଙ୍କା ବିନିଯୋଗ କରିଥିଲା ବୋଲି ସୂଚନା ମିଳିଛି ।