ରାଉରକେଲା: ମାରାଥନ୍ କାର୍ଯ୍ୟକ୍ରମ ଚାଲିଥିବା ବେଳେ ଗୁଳିମାଡ଼। ସେକ୍ଟର ୩ ଥାନା ସେକ୍ଟର ୨ ଛକରେ ଯୁବକଙ୍କୁ ଗୁଳିମାଡ଼ ହୋଇଛି। ଯୁବକଙ୍କ ପିଠିରେ ବାଜିଛି ଗୁଳି। କିଏ ଓ କାହିଁକି ଗୁଳି କଲେ ତାହା ଏପର୍ଯ୍ୟନ୍ତ ଅସ୍ପଷ୍ଟ ରହିଛି। ଯୁବକଙ୍କୁ ଆଇଜିଏଚ୍ରେ ଭର୍ତ୍ତି କରାଯାଇଛି।
ସୂଚନାନୁଯାୟୀ, ସେକ୍ଟର ୩ ଥାନା ସେକ୍ଟର ୨ ଛକରେ ଯୁବକଙ୍କୁ ଗୁଳିମାଡ଼ କରିଛନ୍ତି ଦୁର୍ବୃତ୍ତ। ଫାୟରିଙ୍ଗ ବେଳେ ଗୁଳିଟି ଯୁବକଙ୍କ ପିଠିରେ ବାଜିଛି। ତେବେ କିଏ ଏବଂ କାହିଁକି ଏହି ଗୁଳିମାଡ଼ କରିଛି ତାହା ଆସ୍ପଷ୍ଟ ରହିଥିବା ବେଳେ ପୋଲିସ ଏହି ଘଟଣାର ତଦନ୍ତ ଚଳାଇଛି । ଗୁଳିମାଡ଼ ପରେ ଯୁବକ ଜଣକ ଟଳିପଡିଥିଲେ ଏବଂ ଗୁଳିମାଡ଼ ଶବ୍ଦରେ ସମସ୍ତେ ଭୟଭୀତ ହୋଇପଡିଥିଲେ ।
ଏହାପରେ ସଙ୍ଗେ ସଙ୍ଗେ ଯୁବକଙ୍କୁ ଆଇଜିଏଚରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଘଟଣାସ୍ଥଳରେ ପହଂଚି ତଦନ୍ତ କରୁଛି ସେକ୍ଟର-୩ ଥାନା ପୋଲିସ । ତଦନ୍ତ ପରେ ସମସ୍ତ ତଥ୍ୟ ଜଣାପଡିବ ବୋଲି ପୋଲିସ କହିଛି ।