ବ୍ରହ୍ମପୁର: ଦଣ୍ଡନାଚ ବେଳେ କମିଟି ସଦସ୍ୟକୁ ଛୁରୀ ଭୁସି ହତ୍ୟା । ବ୍ରହ୍ମପୁର ବଡ଼ବଜାର ଥାନା ଜେନା ସାହିରେ ଦଣ୍ଡନାଚ ବେଳେ ହତ୍ୟାକାଣ୍ଡ । କମିଟି ମୁଖିଆ ନିଜ ପୁଅ ସହ ମିଶି ହତ୍ୟା କରିଥିବା ଅଭିଯୋଗ । ତେବେ ସାମାନ୍ୟ ବଚସାକୁ ନେଇ ଘଟିଛି ଏହି ହତ୍ୟା । ଅଭିଯୁକ୍ତ ବାପାପୁଅକୁ ଅଟକ ରଖିଲା ପୋଲିସ । ମୃତକ ଓ ଅଭିଯୁକ୍ତ ଦୁହେଁ ହେଉଛନ୍ତି ହିଞ୍ଜିଳିକାଟୁ ବ୍ଲକ ବେଲଗାଁ ଅଞ୍ଚଳର । ବଡ଼ ବଜାର ଥାନା ଅଞ୍ଚଳକୁ ଦଣ୍ଡନାଚ ପାଇଁ ଆସିଥିଲେ ।
ସୂଚନା ଅନୁସାରେ, ମୃତ ଯୁବକଙ୍କ ନାମ ଜଗଦୀଶ ପାଣିଗ୍ରାହୀ । ଗତକାଲି ମୃତକ ଏବଂ ଅଭିଯୁକ୍ତ ବାପା ପୁଅ ଗତକାଲି ଜେନା ସାହିରେ ହେଉଥିବା ଦଣ୍ଡନାଚ ଦେଖିବାକୁ ଆସିଥିଲେ । କୌଣସି କାରଣ ବସତଃ ସେଠାରେ ଉଭୟଙ୍କ ମଧ୍ୟରେ ବଚସା ହୋଇଥିଲା । ବଚସା ଏତେ ଉଗ୍ରରୁପ ଧାରଣ କରିଥିଲା ଯେ, ନିଜର ହିତାହିତ ଜ୍ଞାନ ହରାଇ ବସିଥିଲେ ଅଭିଯୁକ୍ତ ବାପପୁଅ । ମୃତକ ଜଗଦୀଶଙ୍କୁ ଗୋଡାଇ ଗୋଡାଇ ଛୁରି ଭୁସି ହତ୍ୟା କରିଥିଲେ ଦୁହେଁ । ତେବେ ଛୁରାମାଡ଼ରେ ଜଗଦୀଶଙ୍କ ବେକରୁ ମାତ୍ରାଧିକ ରକ୍ତସ୍ରାବ ହୋଇଥିଲା । ଗୁରୁତର ଅବସ୍ଥାରେ ତାଙ୍କୁ ଏମକେସିଜିରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ଅନ୍ୟପଟେ ଏହି ଘଟଣାରେ ଆକ୍ରମଣକାରୀ ବାପ-ପୁଅଙ୍କୁ ଅଟକ ରଖି ପଚରାଉଚରା ଆରମ୍ଭ କରିଛି ପୋଲିସ ।
Comments are closed.