ନୂଆଦିଲ୍ଲୀ: ଅନଲାଇନ ଫୁଡ ଡେଲିଭେରୀ କମ୍ପାନୀ ଜୋମାଟୋ ମହାକାଳଙ୍କ ଥାଳୀ ବିବାଦ ନେଇ କ୍ଷମା ମାଗିଛି । ଆମେ ଉଜ୍ଜୈନ ଲୋକଙ୍କୁ ସମ୍ମାନ କରୁ ସେମାନଙ୍କ ପାଇଁ ବିଜ୍ଞାପନ ପ୍ରସାରଣ ମଧ୍ୟ ବନ୍ଦ କରିଦେଇଛୁ । ଜୋମାଟୋର ଏକ ବିଜ୍ଞାପନରେ ହ୍ରିତିକ ରୋଶନ ମହାକାଳ ଥାଳୀ ମଙ୍ଗାଉଥିବା ଦେଖିବାକୁ ମିଳିଥିଲା । ଯାହାକୁ ନେଇ ବିବାଦ ସୃଷ୍ଟି ହୋଇଥିଲା । ମହାକଳାଙ୍କ ଥାଳୀ ବାହାରକୁ ବିକ୍ରି ପାଇଁ ପଠା ଯାଇ ନ ଥାଏ । ଏଥିନେଇ ମହାଦେବଙ୍କ ଭକ୍ତ ଏବଂ ଉଜ୍ଜୈନବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖିବାକୁ ମିଳିଥିଲା । ମନ୍ଦିର ପୂଜାରୀ ମଧ୍ୟ କ୍ଷମା ନ ମାଗିଲେ କୋର୍ଟର ଆଶ୍ରୟ ନେବେ ବୋଲି ଧମକ ଦେଇଥିଲେ । ଜୋମାଟୋ ଆମ ଭାବନା ସହିତ ନ ଖେଳୁ ବୋଲି ସେ ଅନୁରୋଧ କରିଥିଲେ । ବିଭିନ୍ନ ମହଲରୁ ଚାପ ପଡିବା ପରେ ଶେଷରେ ଜୋମାଟୋ କ୍ଷମା ମାଗିବାକୁ ବାଧ୍ୟ ହୋଇଥିଲା ।
Comments are closed.