ନୂଆଦିଲ୍ଲୀ: ଗାଜିପୁର ବର୍ଡର ନିକଟରେ ଦିଲ୍ଲୀ ପୋଲିସ ଭାରତୀୟ କିଷାନ ୟୁନିୟନ(ବିକେୟୁ)ର ଜାତୀୟ ମୁଖପାତ୍ର ରାକେଶ ଟିକାଏତଙ୍କୁ ଅଟକ ରଖିଛି । ଗିରଫ ହେବା ପରେ ବିକେୟୁ ସଦସ୍ୟଙ୍କୁ ପରବର୍ତୀ ନିର୍ଦ୍ଦେଶ ପର୍ଯ୍ୟନ୍ତ ସତର୍କ ରହିବା ପାଇଁ କୁହାଯାଇଛି । ଟିକାଏତଙ୍କ କେତେକ ସହଯୋଗୀଙ୍କୁୁ ମଧ୍ୟ ପୋଲିସ ଅଟକ ରଖିଛି । ବେକାରୀ ସମସ୍ୟା ନେଇ ଆନ୍ଦୋଳନ କରୁଥିବା ଯୁବକମାନଙ୍କ ନିକଟକୁ ଟିକାଏତ ଯାଉଥିଲେ । ଆଇନ ଶୃଙ୍ଖଳା ବିପର୍ଯ୍ୟସ୍ତ ହେବା ଆଶଙ୍କା ଥିବାରୁ ପୋଲିସ ତାଙ୍କ ଅଧା ବାଟରୁ ନେଇ ଯାଇଥିଲା । ୟୁପି ସଂଗଠନର ସମସ୍ତ ସଦସ୍ୟଙ୍କୁ ପ୍ରସ୍ତୁତ ରହିବା ପାଇଁ ବିକେୟୁ ଜିଲା ଅଧ୍ୟକ୍ଷ ଯୋଗେଶ ଶର୍ମା କହିଛନ୍ତି । ଟିକାଏତଙ୍କ ସହ ତାଙ୍କ ସଂଗଠନର ସଦସ୍ୟମାନଙ୍କୁ ଭେଟିବାକୁ ଦିଆଯାଉ ନାହିଁ ବୋଲି ସେମାନେ ଅଭିଯୋଗ କରିଛନ୍ତି । ଟିକାଏତ ଟ୍ୱିଟ କରିଛନ୍ତି ଯେ, ଦିଲ୍ଲୀ ପୋଲିସ ସରକାରଙ୍କ ଇଙ୍ଗିତରେ କାମ କରୁଛି । ଏହି ସଂଘର୍ଷ ଅଟକିବ ନାହିଁ ।
Comments are closed.