ମୁମ୍ବାଇ: ବଲିଉଡର଼ କିଙ୍ଗ୍ ଖାନ୍ ତଥା ଶାହରୁଖ ଖାଁଙ୍କ ଫିଲ୍ମ ପଠାନକୁ ଲୋକେ ବହୁତ ପସନ୍ଦ କରିଥିଲେ । ଏହି ଫିଲ୍ମ ବକ୍ସ ଅଫିସରେ ମଧ୍ୟ ବ୍ୟବସାୟରେ ରେକର୍ଡ଼ ଭାଙ୍ଗିଥିଲା । ଏମିତି କି ପ୍ରଶଂସକମାନେ ଅଧିକ ଟଙ୍କା ଦେଇ ଏହି ଫିଲ୍ମ ଟିକେଟ କିଣିଥିଲେ । କେବଳ ଏତିକି ନୁହେଁ, ଫିଲ୍ମ ଦେଖିବା ପାଇଁ ବିଦେଶରୁ ମଧ୍ୟ ଅନେକ ଲୋକ ଭାରତ ଆସିଥିବା ଜଣାଯାଇଥିଲା । ସେହିପରି ଆଗକୁ ଆସୁଛି ଶାହରୁଖଙ୍କ ନୂଆ ଫିଲ୍ମ ଜୱାନ । ଏହି ଫିଲ୍ମ ସେପ୍ଟେମ୍ବର ୭ ତାରିଖରେ ସାରା ବିଶ୍ୱରେ ରିଲିଜ୍ ହେବ । ଫିଲ୍ମ ପଠାନ୍ ପରି ଜୱାନଙ୍କୁ ଲୋକେ ପସନ୍ଦ କରିବେ ବୋଲି ପ୍ରଯୋଜନା ସଂସ୍ଥା ଆଶା ରଖିଛି । ଏବେ ଆମେରିକାରେ ଏହାର ଆଡ଼ଭାନ୍ସ ବୁକିଂ ଚାଲିଛି । କିଛି ଦିନରେ ୪ ହଜାରରୁ ଊର୍ଦ୍ଧ୍ୱ ଟିକେଟ୍ ବିକ୍ରି ହୋଇଥିବା ଜଣାଯାଇଛି ।
ଶାହରୁଖ ଖାଁଙ୍କ ଫିଲ୍ମ ଜୱାନ ରିଲିଜ ପାଇଁ କମ ଦିନ ବାକି ରହିଛି । ଏହା ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ୨ଡି ଏବଂ ଆଇମାକ୍ସ ଫର୍ମାଟରେ ରିଲିଜ୍ ହେବ । ଏହା ଆମେରିକାରେ ବହୁତ ଭଲ ବ୍ୟବସାୟ କରିବ । ଇତିମଧ୍ୟରେ ଆମେରିକାରେ ପ୍ରାୟ ୭୪୦୦ଡଲାର ମୂଲ୍ୟର ୪୮୦୦ ଟିକେଟ ୨୮୯ଟି ସ୍ଥାନରେ ବିକ୍ରି ହୋଇସାରିଛି ।
Comments are closed.