ପୁରୀ ବଡଦାଣ୍ଡ ଯାଏଁ ମାଗଣାରେ ଯିବେ ଯାତ୍ରୀ

ରଥଯାତ୍ରାକୁ ଶୃଙ୍ଖଳିତ କରିବା ପାଇଁ ସ୍ୱତନ୍ତ୍ର ନୀତି କରିଛନ୍ତି ରାଜ୍ୟ ସରକାର । ଭକ୍ତଙ୍କ ସୁବିଧା ନିମନ୍ତେ ତାଳବଣିଆରେ ଅସ୍ଥାୟୀ ବସଷ୍ଟାଣ୍ଡ ନିର୍ମାଣ ହେବ । ଏହା ସହ ରଥଯାତ୍ରା ସମୟରେ ପୁରୀକୁ ଚଳାଚଳ କରୁଥିବା ୨୫୦ଟି ସ୍ୱତନ୍ତ୍ର ବସ ପାଇଁ ଅନୁମତି ପ୍ରଦାନ କରାଯିବ ବୋଲି ନିଷ୍ପତି ହୋଇଛି । ପୁରୀରେ ଚାଲୁଥିବା ଦ୍ୱିତୀୟ ସମନ୍ୱୟ ବୈଠକ ସରିବା ପରେ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା ଏହି ସୂଚନା ଦେଇଛନ୍ତି । ରଥଯାତ୍ରା ସମୟରେ ଭକ୍ତମାନଙ୍କୁ ପୁରୀ ବସଷ୍ଟାଣ୍ଡରୁ ବଡଦାଣ୍ଡ ପର୍ଯ୍ୟନ୍ତ ମାଗଣା ଅଟୋ-ରିକ୍ସା ସେବା ଯୋଗାଇ ଦିଆଯିବ ବୋଲି କୁହାଯାଇଛି । ତାଳବଣିଆରେ ଅସ୍ଥାୟୀ ଷ୍ଟାଣ୍ଡ କରାଯିବ । ଯେଉଁଭକ୍ତମାନେ ବଡଦାଣ୍ଡକୁ ଯିବା ପାଇଁ ପାଦରେ ଚାଲିକରି ଯାଉଥିଲେ ସେମାନେ ମାଗଣାରେ ଅଟୋରିକ୍ସାରେ ଯାତାୟତ କରିପାରିବେ । ଏହା ସହ ପୁରୀକୁ ଯେଉଁ ୨୫୦ଟି ବସ ଚଳାଚଳ ହେବ ସେହି ବସର ମଧ୍ୟ ରେଟ୍ ଚାଟ୍ ପ୍ରଦର୍ଶିତ ହେବ । ରଥ ଯାତ୍ରା ସମୟରେ ଭକ୍ତଙ୍କ ସୁବିଧା ପାଇଁ ସରକାର ଏପରି ବ୍ୟବସ୍ଥା କରିଛନ୍ତି ।