ପ୍ରଫୁଲ୍ଲ କୁମାର ତ୍ରିପାଠୀଙ୍କ ନିୟମିତ ବିଭାଗ ‘ଭାଷା ଭାଗବତ’
ନା କି ହଁ କଲେ ଉଚ୍ଚାରଣ
ବିରୋଧ ଅବା ସମର୍ଥନ
ରୂପେ ତା ହୋଇଥାଏ ଗଣ୍ୟ
ତେଣୁ ମୁଁ ରହିଥାଏଁ ମୌନ
ଜଳ ସ୍ଥଳ ଓ ଦିନ ରାତି
ଜନ୍ମ ମୃତ୍ୟୁ ଓ ଘୃଣା ପ୍ରୀତି
ପାପ ପୁଣ୍ୟ ଓ ଦଂଭ ଭୀତି
ଦ୍ବିରୂପୀ ଚିଂତା କରେ କ୍ଷତି
ଶିଷ୍ଟ ଭାଷା, ଅଶିଷ୍ଟ ଭାଷା
ଶୁଦ୍ଧ ଆଉ ଅଶୁଦ୍ଧ ଭାଷା
ପ୍ରତିଟି ଯେଣୁ ମିଳାମିଶା
ଅନାବଶ୍ୟକ ବଳକଷା
ବହୁବର୍ଣୀ ଏ ବସୁଂଧରା
ଦ୍ବିମୁଖୀ ବିଚାରର ଧାରା
ହେଲେ ହେଁ ନିତି କାମଚଳା
ସଂସାର ନୁହେ କଳା, ଧଳା
ବିକଳ୍ପବିହୀନ ଏ ବିଶ୍ବ
ହୋଇପାରେ ଯେ କେତେ ନିଃସ୍ବ
କରିଲେ ଥରଟେ କଳ୍ପନା
ପଡ଼ିବ ସବୁ ସ୍ପଷ୍ଟ ଜଣା
ଦ୍ବିମୁଖୀ ଚିଂତାର ବଂଧନ
ଯେହେତୁ ବିକଳ୍ପବିହୀନ
ବ୍ୟକ୍ତିକୁ କରେ ମତାଧୀନ
ସୀମିତ ହୁଏ ଜନମନ
Comments are closed.