ରୂପାଲୀ ପ୍ରିୟଦର୍ଶିନୀ ସାମନ୍ତରାୟ 
ମୁଁ ଜାନୁଆରୀ ଆଉ ତୁମେ ଡିସେମ୍ବର
ଖୁବ୍ ପାଖା ପାଖି ଭଳି ଲାଗୁଛି ।
ହେଲେ ଆମର ଦୂରତା କେତେ
ଏ ସମୟ ହିସାବ କରି ରଖିଛି ।।
ଥରେ ଦେଖା ହେଲେ ପୁଣି ବରଷେ
ଜାନୁଆରୀ ମିଳନ ଆଶାରେ
ସେମିତି ଚାହିଁ ବସେ ।
ସମୟ ଗଡି ଯାଏ ବୟସ ବଢ଼ି ଯାଏ
ଜାନୁଆରୀ ଆସିବ
ଡିସେମ୍ବର ଚାହିଁ ଥାଏ ।
ଡିସେମ୍ବର ର ମନ ଭରିଯାଏ
ଆନନ୍ଦ ଉଲ୍ଲାସରେ ।
ଜାନୁଆରୀ ଆସେ ଆଉ ଡିସେମ୍ବର
ଚାଲିଯାଏ କ୍ଷଣକ ଭିତରେ ।।
ଜିରୋ ନାଇଟ୍ ବୋଲି ତାକୁ
ଲୋକେ କୁହନ୍ତି ।
ହେଲେ ସେ ଜାନୁଆରୀ ଆଉ ଡିସେମ୍ବର ଙ୍କ
ପ୍ରୀତିର ତିଥି ।
କ୍ଷଣକ ପରେ ଠିକ୍ ତୁମ ଭଳି
ଡିସେମ୍ବର ଚାଲିଯାଏ ।
ଆଉ ମୋ ଭଳି ଜାନୁଆରୀ ସେମିତି
ଅପେକ୍ଷା କରିଥାଏ
ଠିକ୍ ଏହି ପରି ସମ୍ପର୍କ ଆମର
ମୁଁ ଜାନୁଆରୀ ଆଉ ତୁମେ ଡିସେମ୍ବର ।
ଲକ୍ଷ୍ମୀ ନାରାୟଣ ପୁର
ପିପିଲି, ପୁରୀ