ଭୁବନେଶ୍ୱର: କର୍ତ୍ତବ୍ୟ ଆଗରେ ହୋମଗାର୍ଡ ମାଆ ଭୁଲିଗଲା ଝିଅକୁ ହରାଇଥିବାର ଦୁଃଖ । ଝିଅ ମୃତ୍ୟୁର ଦୁଇ ଦିନ ପରେ ଯୋଗ ଦେଲା କରୋନା ଡ୍ୟୁଟିରେ ।
ଏହି ମାଆ ଜଣଙ୍କ ହେଲେ ଗୌରି ବେହେରା । ପୁରୀ ପିପିଲି ଥାନାରେ ହୋମଗାର୍ଡ ଭାବେ କାମ କରନ୍ତି । ପରିବାର କହିଲେ ୧୩ ବର୍ଷର ଝିଅ ଲୋପାମୁଦ୍ରା, ବୟସ୍କ ବାପା ମାଆ ଓ ଜଣେ ଭିନ୍ନକ୍ଷମ ଭାଇ । ଗତ କିଛି ଦିନ ତଳେ ଜଣାପଡିଥିଲା ଯେ ଲୋପାମୁଦ୍ରାକୁ କ୍ୟାନସର ହୋଇଛି । ଏଥି ପାଇଁ ତାର ଚିକିତ୍ସା ଚାଲିଥିଲା । ଗତ ୨୪ ତାରିଖରେ ଗୌରୀଙ୍କୁ ଫୋନ ଆସିଲା ଯେ ଝିଅ ଲୋପାମୁଦ୍ରା ଅସୁସ୍ଥ ହୋଇପଡିଛି । ତରବର ହୋଇ ଘରକୁ ଫେରିଲା ବେଳକୁ ଝିଅର ମୃତ୍ୟୁ ହୋଇସାରିଥିଲା ।
ବହୁ ବର୍ଷ ତଳେ ଗୌରୀଙ୍କୁ ସ୍ୱାମୀ ଛାଡି ଚାଲି ଯାଇଛନ୍ତି । ଏହାପରେ ଝିଅକୁ ନେଇ ବାପଘରେ ଆଶ୍ରୟ ନେଇଥିଲେ ଗୌରୀ । ୧୯୯୮ ମସିହାରେ ହୋମଗାର୍ଡ ଚାକିରୀ ପାଇବା ପରେ ସେ ନିଜର ଓ ପରିବାରର ଦାୟିତ୍ୱ ନେଇଆସୁଛନ୍ତି ।
ଗୌରୀଙ୍କ ପାଇଁ ଏପରି ଏକ ଘଡିସନ୍ଧି ମୁହୂର୍ତ୍ତରେ ଜ୍ୟୁଟିରେ ଯୋଗ ଦେବା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟରରେ ଗୌରୀଙ୍କୁ ସମବେଦନା ଜଣାଇବା ସହ ତାଙ୍କୁ ପ୍ରଶଂସା କରିଛନ୍ତି । ତାଙ୍କୁ ଜଣେ ସଚ୍ଚା ଯୋଦ୍ଧା ବୋଲି କହିଛନ୍ତି ।
Comments are closed.