ବାଇକକୁ ଧକ୍କା ଦେଲା ଟ୍ରେଲର, ଦୁଇ ବାଇକ୍ ଆରୋହୀ ମୃତ

ରାଉରକେଲା: ମୃତ୍ୟୁର ବାହନ ହୋଇ ଆସିଲା ଟ୍ରେଲର । ବାଇକକୁ ଧକ୍କା ଦେବାରୁ ଦୁଇ ଜଣଙ୍କର ଜୀବନ ଯାଇଛି । ରାଉରକେଲା ବ୍ରହ୍ମାଣୀ ବ୍ରିଜ ଉପରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି । ଟ୍ରେଲର ଧକ୍କାରେ ୨ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି । ମୃତକଙ୍କ ପରିଚୟ ମିଳି ପାରିନାହିଁ । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରି ଖୋଳତାଡ କରୁଛି । ବ୍ରାହ୍ମଣୀ ପୋଲ ଉପରେ ବାଇକରେ ଯାଉଥିବା ଦୁଇ ଆରୋହୀଙ୍କୁ ଟ୍ରେଲର ଧକ୍କା ଦେଇଥିଲା । ଫଳରେ ସେମାନେ ଦୂରରେ ଛିଟିକି ପଡ଼ିଥିଲେ । ଘଟଣାସ୍ଥଳରେ ଦୁଇ ଜଣଙ୍କର ପ୍ରାଣବାୟୁ ଉଡ଼ିଯାଇଥିଲା ।