ରାଜସ୍ଥାନ: ନିଜ ଜୀବନସାଥୀକୁ ନେଇ ଅନେକଙ୍କର ଭିନ୍ନ ଭିନ୍ନ ସ୍ୱପ୍ନ ଥାଏ । ନିଜ ପସନ୍ଦର ଜୀବନସାଥୀ ମିଳୁ ବୋଲି ଅନେକ ଭଗବାନଙ୍କୁ ଗୁହାରି ମଧ୍ୟ କରିଥାନ୍ତି । ସେହିଭଳି ରାଜସ୍ଥାନର ଜଣେ ଯୁବକ ନିଜ ପସନ୍ଦର ଜୀବନସାଥୀ ପାଇଛନ୍ତି ଯାହାକୁ ନେଇ ଏହି ଯୋଡ଼ିଙ୍କର ସୋସିଆଲ ମିଡ଼ିଆରେ ବେଶ୍ ଚର୍ଚ୍ଚା । ଚର୍ଚ୍ଚାର କାରଣ ହେଲା ଉଭୟଙ୍କ ଉଚ୍ଚତାକୁ ନେଇ । ବରର ଉଚ୍ଚତା ୩ ଫୁଟ୍ ଥିବା ବେଳେ ସେ ପାଇଥିବା କନିଆର ଉଚ୍ଚତା ବି ୩ ଫୁଟ୍ ।
ରାଜସ୍ଥାନର ଯୋଧପୁରରେ ଏହି ନିଆରା ବିବାହ ଦେଖିବାକୁ ମିଳିଥିଲା । ଯଦିଓ ଏହି ବିବାହ ସାଧାରଣ ବିବାହ ପରି ସମ୍ପନ୍ନ ହୋଇଥିଲା, କିନ୍ତୁ ଏହାର ଫଟୋ ସୋସିଆଲ ମିଡିଆରେ ବେଶ୍ ଭାଇରାଲ ହୋଇଛି । ଯୋଧପୁର ବାସିନ୍ଦା ବର ଋଷବଙ୍କ ଉଚ୍ଚତା ୩ ଫୁଟ୍ । ସେ କମ୍ପିଟେଟିଭ୍ ପରୀକ୍ଷା ପାଇଁ ପ୍ରସ୍ତୁତ ହେଉଛନ୍ତି । ନିକଟରେ ତାଙ୍କର ସ୍ଥାନୀୟ ଅଞ୍ଚଳର ଜଣେ ଯୁବତୀଙ୍କ ସହ ବିବାହ ହୋଇଛି । କନିଆଙ୍କ ଉଚ୍ଚତା ବି ୩ ଫୁଟ୍ । ସେ ମଧ୍ୟ ଏମବିଏ ପାଠ୍ୟକ୍ରମ ଶେଷ କରିଛନ୍ତି । ବିବାହ ଉତ୍ସବରେ ଉଭୟ ବରକନ୍ୟା ଯେତେବେଳେ ମଣ୍ଡପକୁ ଆସିଲେ ଉପସ୍ଥିତ ଲୋକେ ତାଳିମାରି ସ୍ୱାଗତ କରିବା ସହ ଏହି ଯୋଡ଼ି ଭଗବାନ ତିଆରି ବୋଲି ମତ ରଖିଥିଲେ ।
Comments are closed.