ଭୁବନେଶ୍ବର: ନୂଆବର୍ଷ ଅବସରରେ ଭୁବନେଶ୍ବର ବାରଙ୍ଗ ସ୍ଥିତ ନନ୍ଦନକାନନ ପ୍ରାଣୀ ଉଦ୍ୟାନରେ ପର୍ଯ୍ୟଟକଙ୍କ ପ୍ରବଳ ଭିଡ ଦେଖିବାକୁ ମିଳିଛି । ତେବେ ନୂଆବର୍ଷର ଆଜିର ଦିନରେ ପ୍ରାୟ ୩୬ ହଜାର ପର୍ଯ୍ୟଟକ ପ୍ରାଣୀ ଉଦ୍ୟାନ ବୁଲିଥିବା ସୂଚନା ରହିଛି ।
ଖବର ମୁତାବକ, ନୂଆବର୍ଷର ପ୍ରଥମ ଦିନରେ ୩୫ ହଜାର ୬୫୬ ଖଣ୍ଡ ଟିକଟ ବିକ୍ରି ହୋଇଥିଲା । ପର୍ଯ୍ୟଟକମାନଙ୍କ ମଧ୍ୟରେ ୧୪ ଜଣ ବିଦେଶୀ ନାଗରିକ ଥିଲେ । ଏହି ସମୟରେ ସମସ୍ତ ପର୍ଯ୍ୟଟକଙ୍କ ଠାରୁ ୧୩,୩୯,୩୭୦ ଟଙ୍କାର ରାଜସ୍ଵ ଆଦାୟ ହୋଇଥିବା ନନ୍ଦକାନନ କର୍ତୁପକ୍ଷଙ୍କ ପକ୍ଷରୁ ସୂଚନା ରହିଛି ।
ସେହିପରି ପୁନଃ କାର୍ଯ୍ୟକ୍ଷମ ହୋଇଥିବା ରୋପଓ୍ବେରେ ମଧ୍ୟ ପର୍ଯ୍ୟଟକ ବୁଲିଥିବା ଦେଖିବାକୁ ମିଳିଥିଲା । ପ୍ରଥମ ଦିନରେ ଏଥିରେ ୧୭ ଜଣ ପର୍ଯ୍ୟଟକ ବୁଲିଥିବା ସୂଚନା ରହିଛି । ସେହିପରି ରାଜ୍ୟ ଉଦ୍ଭିଦ ଉଦ୍ୟାନରେ ନୂଆବର୍ଷର ପ୍ରଥମ ଦିନରେ ୨୫୬୫ ଖଣ୍ଡ ଟିକେଟ ବିକ୍ରି ହୋଇଥିବାବେଳେ, ଟିକେଟ୍ ବାବଦକୁ ୮୩,୭୭୦ ଟଙ୍କାର ରାଜସ୍ଵ ଆଦାୟ ହୋଇଥିବା ସୂଚନା ମିଳିଛି ।
Comments are closed.