ଶ୍ରୀନଗର: ଜମ୍ମୁ-କାଶ୍ମୀରର ଅନନ୍ତନାଗରେ ଭାରତୀୟ ସୁରକ୍ଷାବଳ ଓ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟରରେ ୪ଜଣ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି । ଏବେ ବି ସେନା ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ଜାରି ରହିଛି । ଏନକାଉଣ୍ଟରରେ କୌଣସି ଭାରତୀୟ ଯବାନ ଆହତ ହୋଇଥିବା ସୂଚନା ମିଳିନାହିଁ । ଆତଙ୍କବାଦୀ ଗତିବିଧିକୁ ଦେଖି ଭାରତୀୟ ସୁରକ୍ଷାବଳ ଏବେ ବି ସେହି ଅଂଚଳକୁ ଘେରି ରହିଛନ୍ତି ଓ ସର୍ଚ୍ଚ ଅପରେସନ ଜାରି ରଖିଛନ୍ତି ।
ମିଳିଥିବା ସୂଚନା ଅନୁସାରେ, ଭାରତୀୟ ସୁରକ୍ଷାବଳଙ୍କୁ ଅନନ୍ତନାଗ ସ୍ଥିତ ବଟରୀଗାମରେ ଆତଙ୍କବାଦୀ ଲୁଚି ରହିଥିବା ସୂଚନା ମିଳିଥିଲା । ଗୁଇନ୍ଦା ସୂଚନା ଆଧାରରେ ସୁରକ୍ଷାବଳ ସେହି ଅଂଚଳକୁ ଘେରିଥିଲେ । ଆତଙ୍କବାଦୀମାନେ ଏକ ଘରୁ ଗୁଳି ଚାଳନା କରିଥିଲେ । କିଛି ସମୟ ଧରି ଗୁଳି ବିନିମୟ ଜାରି ରହିବା ପରେ ୪ ଆତଙ୍କବାଦୀ ନିହତ ହୋଇଥିବା ଜଣାପଡିଛି । ଏବେ ବି ଗୁଳି ବିନିମୟ ଜାରି ରହିଥିବାବେଳେ ଆତଙ୍କବାଦୀ ସେହି ଅଂଚଳରେ ଲୁଚି ରହିଥିବା ଜଣାପଡିଛି ।
Comments are closed.