ଭଦ୍ରକ: ଭଦ୍ରକ ଜିଲ୍ଲା ଭଣ୍ଡାରୀପୋଖରୀ ବ୍ଲକ ନେରଡ଼ା ପଞ୍ଚାୟତର ପୁରିପଡ଼ା ଗ୍ରାମରେ ଅଘଟଣ। ଗ୍ରାମର କୈଳାସ ରାଉତଙ୍କ ବାସଗୃହ ସମେତ ଗୁହାଳଘରେ ଅଗ୍ନିକାଣ୍ଡ ଘଟି ଚାରିଗୋରୁ ଜୀବନ୍ତ ଦଗ୍ଧ।
ପୁରିପଡ଼ା ଗ୍ରାମର କୈଳାସ ରାଉତ ରାତିରେ ଗୁହାଳ ଘରେ ମଶା ଧୁଆଁଦେଇଥିଲେ। ଖାଇସାରି ଶୋଇଥିବା ସମୟରେ ରାତି ପ୍ରାୟ ୧୨ଟା ବେଳକୁ ଘରଟି ଜଳୁଥିବା ଦେଖିଥିଲେ। ଭୟବୀତ ହୋଇ ନିଜ ଜୀବନ ବିକଳରେ ଘରୁ ପଦାକୁ ବାହାରି ଆସିଥିଲେ। ଘରର ଆସବାବପତ୍ର ସମ୍ପୂର୍ଣ୍ଣ ପୋଡ଼ିଯାଇଛି। ଏହା ସହ ଗୋରୁ ଗୁଡ଼ିକ ବନ୍ଧା ହୋଇଥିବାରୁ ବାହାରକୁ ଆସିନପାରି ନିଆଁରେ ପୋଡ଼ି ଜୀବନ୍ତ ଦଗ୍ଧ ହୋଇଯାଇଥିଲେ।
ଗ୍ରାମବାସୀ ପହଞ୍ଚି ପାଣି ଢ଼ାଳିଥିଲେ ମଧ୍ୟ ନିଆଁକୁ ଆୟତ୍ତ କରିପାରିନଥିଲେ। ଭଣ୍ଡାରୀପୋଖରୀରୁ ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଲିଭାଇବାକୁ ଉଦ୍ୟମ କରିଥିଲେ।
Comments are closed.