ଭୁବନେଶ୍ୱର: ତାଲାବନ୍ଦ ମଧ୍ୟରେ ଦାମୀ ଗାଡିରେ ବୁହା ଚାଲିଛି ବିଦେଶୀ ମଦ । ଭୁବନେଶ୍ୱର ସ୍ଥିତ ନୟାପଲ୍ଲିରୁ ବିପୁଳ ବ୍ରାଣ୍ଡେଡ ବିଦେଶୀ ମଦ ଜବତ ହୋଇଛି । ବଡ କଥା ହେଲା ଏହି ମଦ ଗୁଡିକୁ ଏକ ଦାମୀ ଗାଡିରେ ବୁହା ଯାଉଥିବା ଜଣାପଡିଛି ।
ପୋଲିସ ଖବର ପାଇ ଚଢ଼ାଉ କରି ଗାଡିରୁ ୫୧ ଲିଟର ବିଦେଶୀ ଜବତ କରିଛି । ଏଥିସହ ଏସ୍ୟୁଭି ଗାଡି ଚାଳକଙ୍କଠାରୁ ନଗଜ ୨୮,୫୦୦ ଟଙ୍କା ମଧ୍ୟ ଜବତ କରିଛି ନୟାପଲ୍ଲୀ ଥାନା ପୋଲିସ । 
ବିଶେଷ ସୂତ୍ରରୁ ଖବର ପାଇ ନୟାପଲ୍ଲି ଥାନା ପୋଲିସ ଓ କ୍ୟୁଏଟି ଟିମ୍ ରେଡ୍ କରି ଗାଡିକୁ ଧରିଛି । କିଛି ଦିନ ତଳେ ରାଜଧାନୀରେ ଦାମୀ ଗାଡିରୁ ବିଦେଶୀ ମଦ ଜବତ କରାଯାଇଥିଲା । କରୋନାର କଟକଣା ଭିତରେ ଅଳ୍ପ କିଛି ଦୋକାନ ଖୋଲିବାକୁ ବିଏମ୍ସି ଅନୁମତି ଦେଇଥିବା ବେଳେ ମଦ ଦୋକାନ ପୁରା ବନ୍ଦ ରହିଛି । ଆଉ ଏଭଳି ସ୍ଥିତିରେ ଚୋରା ମଦ କାରବାର ମଧ୍ୟ ଜାରି ରହିଛି ।
Comments are closed.