ପୁଣେ: ନିର୍ମାଣଧୀନ କୋଠାରୁ ଖସିଲା ଲୁହା ସ୍ଲାବ । ଏଥିରେ ୭ ଜ ଶ୍ରମିକଙ୍କ ମୃତ୍ୟୁ ହୋଇଛି । ମହାରାଷ୍ଟ୍ର ପୁଣେର ୟେରଓ୍ୱାଡା ଥାନା ଅଞ୍ଚଳରେ ଏହି ଅଘଟଣ ଘଟିଛି । ଅନ୍ୟ ୩ ଜଣ ଗୁରୁତର ହୋଇଛନ୍ତି । ୟେରୱାଡାର ଶାସ୍ତ୍ରୀ ୱାଡିଆ ବଙ୍ଗଳା ନିକଟରେ ଗତକାଲି ବିଳମ୍ବିତ ରାତି ଯାଏ କାମ ଚାଲିଥିଲା ।
ବିଲଡିଂର ବେସମେଣ୍ଟ କାମ ଚାଲିଥିଲା । ଶ୍ରମିକମାନେ ଲୁହା ରଡରେ ତିଆରି ହୋଇଥିବା ସ୍ଲାବ ଖଞ୍ଜୁ ଥିଲେ । ଏତିକିବେଳେ ହଠାତ୍ ପାର୍କିଂ ସ୍ଥାନରେ ଥିବା ଲୁହାର ଗୋଟିଏ ବଡ଼ ଜାଲି ସ୍ଲାବ୍ ଖସି ପଡ଼ିଥିଲା । ୧୬ ଏମଏମ ରଡ୍ରେ ତିଆରି ସ୍ଲାବ ଲଗାଇବା କାମରେ ନିୟୋଜିତ ୧୦ ଜଣ ଶ୍ରମିକ ଏହା ତଳେ ଫସି ଯାଇଥିଲା ।
ଖବର ପାଇ ଘଟଣାସ୍ଥଳରେ ପହଞ୍ଚିଥିଲା ୟେରଓ୍ୱାଡା ଥାନା ପୋଲିସ ଓ ଅଗ୍ନିଶମ ବାହିନୀ । ଜାଲି ଭିତରେ ଫସିଥିବା ଶ୍ରମିକଙ୍କୁ କଟର ସହାୟତାରେ କାଟି ବାହାର କରିଥିଲେ । ୟେରଓ୍ୱାଡା ଥାନା ପୋଲିସ ମାମଲା ରୁଜୁ କରି ତଦନ୍ତ ଚଳାଇଛି ।
Comments are closed.