ନୂଆଦିଲ୍ଲୀ: ସୋସିଆଲ୍ ମିଡିଆରେ ଭାଇରାଲ୍ ହେଉଛି ଜଣେ ୭୩ ବର୍ଷିୟା ମହିଳାଙ୍କ ବିବାହ କରିବା ନିଶା।ମୈସୁର ଜିଲ୍ଲାରେ ରହୁଥିବା ଜଣେ ୭୩ ବର୍ଷୀୟା ମହିଳା ନିଷ୍ପତ୍ତି ନେଇଥିଲେ ଯେ ସେ କେବେ ଏକୁଟିଆ ରହିବେ ନାହିଁ।
ସେ ଜଣେ ଶିକ୍ଷକ ଭାବରେ ଅବସର ନେଇଛନ୍ତି। ତେବେ ବିବାହ ପାଇଁ ମହିଳା ଜଣକ ଜଣେ ବ୍ରାହ୍ମଣ ବର ଖୋଜୁଥିବା ଜଣାପଡ଼ିଛି। ଏଥିପାଇଁ ସେ ଏକ ବିବାହ ବିଜ୍ଞାପନ ମଧ୍ୟ ବାହାର କରିଥିଲେ।
ତେବେ ଆଶ୍ଚର୍ଯ୍ୟଜନକ କଥା ହେଉଛି ତାଙ୍କ ବିବାହ ପ୍ରସ୍ତାବକୁ ଗ୍ରହଣ କରିଛନ୍ତି ଜଣେ ୬୯ ବର୍ଷୀୟ ବୃଦ୍ଧ। ଏହି ବୃଦ୍ଧ ଜଣକ ବୃତ୍ତିରେ ଜଣେ ଇଂଜିନିୟର ଥିଲେ ଏବଂ ଏଥିରୁ ସେ ଏବେ ଅବସର ଗ୍ରହଣ କରିସାରିଛନ୍ତି।
ମହିଳାଙ୍କ କହିବା ଅନୁଯାୟୀ ସେ କେବେ ଏକୁଟିଆ ରହିବାକୁ ଚାହୁଁନଥିଲେ। ସେ ଏକ ସାଥୀ ଖୋଜୁଥିଲେ ଯିଏ ସାରା ଜୀବନ ତାଙ୍କ ସହିତ ରହିବେ।
ତାଙ୍କ ମାଟ୍ରିମୋନି ପେଜ୍ରେ ଦର୍ଶାଯାଇଛି ଯେ ମହିଳା ଜଣକ ତାଙ୍କଠାରୁ ସୁସ୍ଥ ଏବଂ ବୟସ୍କ ବ୍ୟକ୍ତି ଖୋଜୁଛନ୍ତି। ଏହାସହିତ ବୃଦ୍ଧ ଜଣକ ଜଣେ ବ୍ରାହ୍ମଣ ଏବଂ ତାଙ୍କ ସମ୍ପ୍ରଦାୟର ହେବା ଉଚିତ।
ମହିଳା ଜଣକ ଆହୁରି ମଧ୍ୟ କହିଛନ୍ତି ଯେ, ତାଙ୍କର ପ୍ରଥମ ବିବାହ ବିଚ୍ଛେଦ ହୋଇଥିଲା, ଯାହା ଯନ୍ତ୍ରଣାଦାୟକ ଥିଲା। ପିତାମାତାଙ୍କୁ ହରାଇବା ପରେ ସେ କିଛି ସମୟ ପାଇଁ ଏକାକୀ ଜୀବନ ବିତାଉଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ସେ କୌଣସି ସ୍ଥାନରୁ ଘରକୁ ଯିବା କିମ୍ବା ଏକାକୀ ଜୀବନଯାପନ କରିବାକୁ ଭୟ କରୁଛନ୍ତି। ତେଣୁ ସେ ଏକ ସାଥୀଟିଏ ଖୋଜୁଛନ୍ତି।