ସିକିନ୍ଦ୍ରାବାଦ: ସିକିନ୍ଦ୍ରାବାଦରେ ଗତକାଲି ରାତିରେ ଏକ ଇଲେକ୍ଟ୍ରିକ୍ ବାଇକ୍ ଶୋ’ରୁମରେ ନିଆଁ ଲାଗି 8 ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ପ୍ରଥମେ ଇଲେକ୍ଟ୍ରିକ୍ ବାଇକ୍ ଶୋ’ରୁମରେ ନିଆଁ ଲାଗିବା ସହ ପରେ ସୋରୁମ କୁ ଲାଗିକି ଥିବା ଏକ ହୋଟେଲକୁ ବ୍ୟାପିଯାଇଥିଲା ନିଆଁ । ନିଆଁ ଲାଗିବା ଯୋଗୁ 8ଜଣଙ୍କ ମୃତ୍ୟୁ ହୋଇଛି । ଗୁରୁତର ଥିବା 13 ଜଣଙ୍କୁ ଡାକ୍ତରଖାନା ନିଆଯାଇ ଚିକିତ୍ସା କରାଯାଉଛି ।
ଗତକାଲି ରାତି 9ଟାରେ ସିକିନ୍ଦରାବାଦ ଠାରେ ଥିବା ଏକ ଇଲେକ୍ଟ୍ରିକ୍ ବାଇକ୍ ଶୋ’ରୁମରେ ପ୍ରଥମେ ସଟ୍ ସର୍କିଟ ଯୋଗୁ ନିଆଁ ଲାଗିଥିଲା । ପରେ ସୋରୁମ କୁ ଲାଗି ରହିଥିବା ହୋଟେଲରେ ମଧ୍ୟ ନିଆଁ ଲାଗିଯାଇଥିଲା । ମୃତକଙ୍କ ମଧ୍ୟରୁ ଅନେକ ହୋଟେଲ କର୍ମଚାରୀ ବୋଲି ଜଣାପଡିଛି । ପ୍ରାଥମିକ ଅନୁସନ୍ଧାନ ଅନୁଯାୟୀ, ସର୍ଟ ସର୍କିଟରେ ଇଲେକ୍ଟ୍ରିକ୍ ବାଇକ୍ ଶୋ’ରୁମରେ ନିଆଁ ଲାଗିଥିବାର ସନ୍ଦେହ କରାଯାଉଛି, ଯାହା ଫଳରେ ପ୍ରଥମେ ଗୋଟିଏ ଗାଡ଼ିରେ ନିଆଁ ଲାଗିଥିଲା ।
ପୋଲିସ କହିଛି ଯେ ରାତି ପ୍ରାୟ 9 ଟା ସମୟରେ ଇଲେକ୍ଟ୍ରିକ୍ ସ୍କୁଟର ଶୋ’ରୁମରେ ନିଆଁ ଲାଗିଯାଇଥିଲା । ଖୁବ୍ ଶୀଘ୍ର ନିଆଁ ଓ ଧୂଆଁ ଶୋ’ରୁମ୍ ନିକଟସ୍ଥ ରୁବି ହୋଟେଲକୁ ବ୍ୟାପିଗଲା, ଯେଉଁଠାରେ ଅତି କମରେ 25 ଜଣ ଲୋକ ରହୁଥିଲେ ।