ଭୁବନେଶ୍ୱର: ସକାଳୁ ସକାଳୁ ରାଜଧାନୀ ଭୁବନେଶ୍ୱରରେ ଗୁଳୁଗୁଳି ଅସମ୍ଭାଳ ହେଲାଣି। ଘରୁ ବାହାରିଲେ ଝାଳରେ ବୁଡ଼ିବା ସହ ଅଣନିଃଶ୍ୱାସୀ ଲାଗୁଛି। ଆଉ ଘର ଭିତରକୁ ଆସିଲେ ବାରମ୍ବାର ବିଦ୍ୟୁତ୍ କାଟ ସାଙ୍ଗକୁ ଲୋ ଭୋଲ୍ଟେଜ୍ ଆହୁରି ବିରକ୍ତିକର।
ସକାଳ ସାଢେ ୫ ଟା ସୁଦ୍ଧା ରାଜଧାନୀର ତାପମାତ୍ରା ୩୦ ଡିଗ୍ରୀ ପାର୍ ହୋଇଯାଇଛି। ଏନେଇ ଭୁବନେଶ୍ୱର ଆଞ୍ଚଳିକ ପାଣିପାଗ ପକ୍ଷରୁ ଟ୍ୱିଟ୍ କରି ସୂଚନା ଦିଆଯାଇଛି।
ଅସହ୍ୟ #ଗୁଳୁଗୁଳି !!
ଆଜି ରାଜଧାନୀ #ଭୁବନେଶ୍ୱର ରେ ସକାଳ ୫ ଟା ୩୦ ସୁଦ୍ଧା ୩୦.୨ ଡ଼ିଗ୍ରୀ ତାପମାତ୍ରା ଏବଂ ୯୬% ଆଦ୍ରତା ରେକର୍ଡ— Meteorological Centre, Bhubaneswar (@mcbbsr) June 10, 2023
ପାଣିପାଗ ବିଭାଗ ଟ୍ୱିଟ୍ କରି ଲେଖିଛି “ଆଜି ରାଜଧାନୀ ଭୁବନେଶ୍ୱରରେ ସକାଳ ୫ ଟା ୩୦ ସୁଦ୍ଧା ୩୦.୨ ଡିଗ୍ରୀ ତାପମାତ୍ରା ଏବଂ ୯୬% ଆଦ୍ରତା ରେକର୍ଡ।”
ରାଜ୍ୟରେ ଦିନ ତାପମାତ୍ରାରେ ଆଗାମୀ ୫ ଦିନ ଯାଏଁ ବିଶେଷ ପରିବର୍ତନ ର ସମ୍ଭାବନା ନଥିବାବେଳେ ୩ ରୁ ୪ ଦିନ ଯାଏଁ ରାଜ୍ୟରେ ଗ୍ରୀଷ୍ମ ପ୍ରବାହ ସହ ଉପକୂଳରେ ଗୁଳୁଗୁଳି ଜାରି ରହିବ | କିଛି କିଛି ସ୍ଥାନରେ ତାପମାତ୍ରା ସ୍ଵାଭାଵିକ ଠାରୁ ୩ ରୁ ୫ ଡ଼ିଗ୍ରୀ ଯାଏଁ ଅଧିକ ରହିବା ସମ୍ଭାବନା
— Meteorological Centre, Bhubaneswar (@mcbbsr) June 10, 2023
ସେହିପରି ଗ୍ରୀଷ୍ମ ପ୍ରବାହ ବା ହିଟ୍ ୱେଭ୍କୁ ନେଇ ମଧ୍ୟ ସତର୍କ ସୂଚନା ଜାରି କରିଛି ପାଣିପାଗ ବିଭାଗ। ଆଗାମୀ ୨୪ ଘଣ୍ଟା ମଧ୍ୟରେ ଝାରସୁଗୁଡା, ସମ୍ବଲପୁର, ବରଗଡ, ସୋନପୁର, ସୁନ୍ଦରଗଡ, ବଲାଙ୍ଗୀର, ବୌଦ୍ଧ, ମୟୁରଭଞ୍ଜ, କେନ୍ଦୁଝର ଜିଲ୍ଲାରେ ଗ୍ରୀଷ୍ମପ୍ରବାହର ଆଶଙ୍କା ରହିଛି ବୋଲି ପାଣିପାଗ ବିଭାଗ ଟ୍ୱିଟ୍ କରି ସୂଚନା ଦେଇଛି।
ଅସହ୍ୟ #ଗୁଳୁଗୁଳି !!
ଆଜି ରାଜଧାନୀ #ଭୁବନେଶ୍ୱର ରେ ସକାଳ ୫ ଟା ୩୦ ସୁଦ୍ଧା ୩୦.୨ ଡ଼ିଗ୍ରୀ ତାପମାତ୍ରା ଏବଂ ୯୬% ଆଦ୍ରତା ରେକର୍ଡ— Meteorological Centre, Bhubaneswar (@mcbbsr) June 10, 2023
ସେହିପରି ତାପମାତ୍ରାରେ ନେଇ ପାଣିପାଗ ବିଭାଗ କହିଛି ଯେ ରାଜ୍ୟରେ ଦିନ ତାପମାତ୍ରାରେ ଆଗାମୀ ୫ ଦିନ ଯାଏ ବିଶେଷ ପରିବର୍ତନର ସମ୍ଭାବନା ନାହିଁ। ୩ ରୁ ୪ ଦିନ ଯାଏ ରାଜ୍ୟରେ ଗ୍ରୀଷ୍ମ ପ୍ରବାହ ସହ ଉପକୂଳରେ ଗୁଳୁଗୁଳି ଜାରି ରହିବ। କିଛି କିଛି ସ୍ଥାନରେ ତାପମାତ୍ରା ସ୍ଵାଭାଵିକ ଠାରୁ ୩ ରୁ ୫ ଡିଗ୍ରୀ ଯାଏ ଅଧିକ ରହିବା ସମ୍ଭାବନା ରହିଛି ବୋଲି ପାଣିପାଗ ବିଭାଗ ଟ୍ୱିଟ୍ କରି କହିଛି।
#HeatWave
ଆଗାମୀ ୨୪ ଘଣ୍ଟା ମଧ୍ୟରେ #ଝାରସୁଗୁଡା, #ସମ୍ବଲପୁର, #ବରଗଡ, #ସୋନପୁର, #ସୁନ୍ଦରଗଡ, #ବଲାଙ୍ଗୀର, #ବୌଦ୍ଧ, #ମୟୁରଭଞ୍ଜ,#କେନ୍ଦୁଝର ଜିଲ୍ଲାରେ #ଗ୍ରୀଷ୍ମପ୍ରବାହ ସମ୍ଭାବନା .— Meteorological Centre, Bhubaneswar (@mcbbsr) June 10, 2023