ଅଟ୍ଟାରୀ: ପଞ୍ଜାବର ଅଟ୍ଟାରୀ ସୀମା ନିକଟରେ ଆତଙ୍କବାଦୀଙ୍କ ଏକ ବଡ ଷଡଯନ୍ତ୍ରକୁ ସୁରକ୍ଷାକର୍ମୀମାନେ ବିଫଳ କରିଛନ୍ତି । ବୁଧବାର ଆଫଗାନିସ୍ତାନରୁ ଆସୁଥିବା ଏକ ଟ୍ରକରେ ୯୦୦ ଗ୍ରାମର ଆରଡିଏକ୍ସ ଜବତ କରାଯାଇଥିଲା । ଡ୍ରାଇ ଫ୍ରୁଟ ନେଇ ଆସୁଥିବା ଏହି ଟ୍ରକକୁ ସ୍କାନ କରାଯିବା ବେଳେ ଏଥିରେ ବିସ୍ଫୋଟକ ପଦାର୍ଥ ଥିବା ଜଣା ପଡିଥିଲା । ଟ୍ରକ ଚାଳକକୁ ଗିରଫ କରାଯାଇ ପଚରାଉଚରା କରାଯାଉଛି । ଏହା ପୂର୍ବରୁ ଅମୃତସରରେ ସବ ଇନ୍ସପେକ୍ଟର ଦିଲବାଗ ସିଂଙ୍କ ବୋଲେରୋରେ ଆଇଇଡି ଲଗା ଯାଇଥିଲା । ଭାଗ୍ୟ ବଶତଃ ଗାଡି ସଫା କରାଯିବା ବେଳେ ଏହା ଜଣା ପଡିଥିଲା । ଦେଶ ଏବେ ଆଜାଦୀର ଅମୃତ ମହୋତ୍ସବ ପାଳନ କରୁଥିବା ବେଳେ ଆତଙ୍କବାଦୀମାନେ ଅଶାନ୍ତି ସୃଷ୍ଟି କରିବା ପାଇଁ ଉଦ୍ୟମ ଜାରୀ ରଖିଛନ୍ତି । ପ୍ରାରମ୍ଭିକ ତଦନ୍ତରେ ପାକିସ୍ତାନରୁ ଏହି ଟ୍ରକ ଆସିଥିବା ଜଣାପଡିଛି । ଏହି ଘଟଣା ପରେ ସୀମାରେ ସୁରକ୍ଷା ବ୍ୟବସ୍ଥାକୁ ଆହୁରି କଡାକଡି କରାଯାଇଛି ।
Comments are closed.