ସରିଲା ଅନଲାଇନ ସର୍ଭେ, ପ୍ରସ୍ତୁତ ହେଲା ବିକଳ୍ପ ଏକାଡେମିକ କ୍ୟାଲେଣ୍ଡର: ଶିକ୍ଷାମନ୍ତ୍ରୀ

ନୂଆଦିଲ୍ଲୀ: ମହାମାରୀ ମଧ୍ୟରେ ସ୍କୁଲ ଛାତ୍ରଛାତ୍ରୀଙ୍କ ଅନଲାଇନ୍ ଶିକ୍ଷାର ପରିସ୍ଥିତିକୁ ବୁଝିବା ପାଇଁ ନ୍ୟାସନାଲ କାଉନସିଲ୍ ଅଫ୍ ଏଜୁକେସନାଲ୍ ରିସର୍ଚ୍ଚ ଆଣ୍ଡ ଟ୍ରେନିଂ (NCERT) ଏକ ଅନଲାଇନ୍ ସର୍ଭେ କରିଛି ବୋଲି ଗୁରୁବାର ଦିନ କେନ୍ଦ୍ର ଶିକ୍ଷା ମନ୍ତ୍ରୀ ରମେଶ ପୋଖ୍ରିଆଲ୍ ନିଶଙ୍କ ସୂଚନା ଦେଇଛନ୍ତି।

ରାଜ୍ୟସଭାରେ ଜ୍ୟୋତିରାଦିତ୍ୟ ସିନ୍ଧିଆଙ୍କ ପ୍ରଶ୍ନର ଉତ୍ତର ଦେବାକୁ ଯାଇ ସେ କହିଛନ୍ତି, କେନ୍ଦ୍ରୀୟ ବିଦ୍ୟାଳୟ, ନବୋଦୟ ବିଦ୍ୟାଳୟ ଓ ସିବିଏସସି ସହାୟତାରେ ଗତ ଜୁଲାଇ ମାସରେ NCERT ଏକ ଅନଲାଇନ ସର୍ଭେ କରିଛି । କୋଭିଡ-୧୯ ମହାମାରୀ ସମୟରେ ସ୍କୁଲ ଛାତ୍ରଛାତ୍ରୀଙ୍କ ଅନଲାଇନ ଶିକ୍ଷାର ଅବସ୍ଥା ବୁଝିବାକୁ ଏହି ସର୍ଭେ କରାଯାଇଥିଲା ।

ମନ୍ତ୍ରୀ ସୂଚନା ଦେଇଛନ୍ତି ଯେ ଛାତ୍ରମାନଙ୍କ ଶିକ୍ଷାଜନିତ ସମସ୍ୟାର ସମାଧାନ ପାଇଁ, ଫଳାଫଳ ଉପରେ ଧ୍ୟାନ ଦେଇ NCERT ବିକଳ୍ପ ଏକାଡେମିକ୍ କ୍ୟାଲେଣ୍ଡର ଓ ଷ୍ଟୁଡେଣ୍ଟସ୍ ଲର୍ନିଂ ଏନ୍ହାନ୍ସମେଣ୍ଟ ଗାଇଡଲାଇନ ପ୍ରସ୍ତୁତ କରିଛି। ଏହାକୁ ୩ଭାଗ ରେ ଭାଗ କରାଯାଇଛି ।

୧) ଡିଜିଟାଲ୍ ସେବା ବିନା ଛାତ୍ରମାନଙ୍କ ପାଇଁ କୋଭିଡ-୧୯ ସମୟରେ ଶିକ୍ଷଣ ବୃଦ୍ଧି

୨) ଲିମିଟେଡ଼ ଡିଜିଟାଲ୍ ଡିଭାଇସ ଥିବା ଛାତ୍ରମାନଙ୍କ ପାଇଁ କୋଭିଡ-୧୯ ସମୟରେ ଶିକ୍ଷଣ ବୃଦ୍ଧି

୩) ଡିଜିଟାଲ୍ ଉପକରଣ ଥିବା ଛାତ୍ରମାନଙ୍କ ପାଇଁ କୋଭିଡ-୧୯ ସମୟରେ ଶିକ୍ଷା ଏବଂ ଉନ୍ନତି

ବୈକଳ୍ପିକ ଏକାଡେମିକ୍ କ୍ୟାଲେଣ୍ଡର ଏବଂ ଶିକ୍ଷଣ ବୃଦ୍ଧି ନିର୍ଦ୍ଦେଶାବଳୀ ସମସ୍ତ ରାଜ୍ୟ, ୟୁନିଅନ୍ ଅଞ୍ଚଳ, ସିବିଏସ୍ଇ, କେଭିଏସ୍, ଏନଭିଏସ୍ ଏବଂ କେନ୍ଦ୍ରୀୟ ତିବ୍ଦତୀୟ ବିଦ୍ୟାଳୟ ପ୍ରଶାସନ (ସିଟିଏସ୍ଏ) ସହିତ ଅଂଶୀଦାର ହୋଇଛି ବୋଲି କେନ୍ଦ୍ର ମନ୍ତ୍ରୀଙ୍କ ବିବୃତ୍ତିରେ କୁହାଯାଇଛି।

ମଙ୍ଗଳବାର ଦିନ, କୋଭିଡ-୧୯ କୁ ଦୃଷ୍ଟିରେ ରଖି ବିଦ୍ୟାଳୟଗୁଡ଼ିକ ବନ୍ଦ ରହିଥିବାରୁ ଆସନ୍ତା ଆଠ ସପ୍ତାହ ପାଇଁ ମାଧ୍ୟମିକ ଶ୍ରେଣୀ ପାଇଁ ମନ୍ତ୍ରୀ ଏକ ବିକଳ୍ପ ଏକାଡେମିକ୍ କ୍ୟାଲେଣ୍ଡର ମଧ୍ୟ ପ୍ରକାଶ କରିଛନ୍ତି।