ଦୁବାଇ: ରୋହିତ ବାହିନୀର ରୋମାଞ୍ଚକର ବିଜୟ । ଷଷ୍ଠ ଥର ଆଇପିଏଲ୍ ଫାଇନାଲରେ ପ୍ରବେଶ କରିଛି ମୁମ୍ୱାଇ ଇଣ୍ଡିଆନ୍ସ । ପ୍ରଥମ କ୍ୱାଲିଫାୟାରରେ ଦିଲ୍ଲୀ କ୍ୟାପିଟାଲ୍ସକୁ ୫୭ ରନରେ ହରାଇ ପ୍ରଥମ ଫାଇନାଲିଷ୍ଟ ହୋଇଛି ମୁମ୍ୱାଇ । ଏହି ବିଜୟ ସହ ପଞ୍ଚମ ଥର ଚାମ୍ପିଅନ୍ ଆଇପିଏଲ ଚାମ୍ପିଅନ୍ ହେବାଠାରୁ ପାଦେ ଦୂରରେ ରହିଛି ।
ବୁମରାହ, ବୋଲ୍ଟ ବୋଲିଂ ଝଡ଼
ମୁମ୍ୱାଇ ଦେଇଥିବା ବିଶାଳ ୨୦୧ରନ ବିଜୟ ଲକ୍ଷ୍ୟର ପିଛା କରି ଦିଲ୍ଲୀ କ୍ୟାପିଟାଲ୍ସ ନିର୍ଦ୍ଧାରିତ ଓଭରରେ ୮ ଓ୍ୱିକେଟ ହରାଇ ୧୪୩ ରନ୍ କରି ପାରିଥିଲା । ଯଶପ୍ରୀତ ବୁମରାହ ଓ ଟ୍ରେଣ୍ଟ ବୋଲ୍ଟଙ୍କ ଘାତକ ବୋଲିଂ ଆଗରେ ଭୁଶୁଡ଼ି ପଡ଼ିଥିଲା ଦିଲ୍ଲୀର ବ୍ୟାଟିଂ ଅର୍ଡର ।
ଶୂନ ରନରେ ତିନିଟି ଓ୍ୱିକେଟ୍
ଟ୍ରେଣ୍ଟ ବୋଲ୍ଟ ତାଙ୍କର ପ୍ରଥମ ଓଭରରେ ପୃଥ୍ୱୀ ଶ ଓ ଆଜିଙ୍କ୍ୟ ରାହାଣେଙ୍କୁ ଖାତା ଖୋଲିବା ପୂର୍ବରୁ ପାଭିଲନ୍ ରାସ୍ତା ଦେଖାଇଥିଲେ । ଏହାପରେ ଶିଖର ଧଓ୍ୱନଙ୍କୁ ଶୂନରେ ଆଉଟ୍ କରିଥିଲେ ବୁମରାହ । ଦଳୀୟ ସ୍କୋର ଶୂନରେ ତିନିଟି ଓ୍ୱିକେଟ ହରାଇ ବ୍ୟାଟିଂ ବିପର୍ୟ୍ୟୟର ସାମନା କରିଥିଲା ଦିଲ୍ଲୀ କ୍ୟାପିଟାଲ୍ସ । ବୁମରାହ ୪ଟି ଓ ବୋଲ୍ଟ ୨ଟି ଓ୍ୱିକେଟ ଅକ୍ତିଆର କରିଥିଲେ ।
ସୂର୍ଯ୍ୟକୁମାର ଓ କିଷାନଙ୍କ ବିସ୍ଫୋରକ ଇନିଂସ
ପ୍ରଥମ କ୍ୱାଲିଫାୟାରରେ ପ୍ରଥମେ ବ୍ୟାଟିଂ କରି ମୁମ୍ୱାଇ ନିର୍ଦ୍ଧାରିତ ଓଭରରେ ୫ ଓ୍ୱିକେଟ ହରାଇ ବିଶାଳ ୨୦୦ ରନ ପାହାଡ ଠିଆ କରିଥିଲା । ଦଳ ପକ୍ଷରୁ ସୂର୍ଯ୍ୟକୁମାର ଯାଦବ (୫୧ ରନ୍) ଓ ଇଶାନ କିଷାନ ଅପରାଜିତ ୫୫ ରନର ବିସ୍ଫୋରକ ଇନିଂସ ଖେଳିଥିଲେ । ଶେଷ ଆଡକୁ ହାର୍ଦ୍ଦିକ ପାଣ୍ଡ୍ୟା ଅପରାଜିତ ୩୭ ରନ୍ ପିଟିଥିଲେ ।
ଦିଲ୍ଲୀ ହାତରେ ଫାଇନାଲ୍ ଖେଳିବା ସୁଯୋଗ
ଦିଲ୍ଲୀ ମ୍ୟାଚ ହାରିଥିଲେ ବି ଫାଇନାଲ୍ ଖେଳିବା ନେଇ ଆଶା ଉଜ୍ଜିବୀତ ଅଛି । ଆସନ୍ତା ୮ ତାରିଖରେ ଦ୍ୱିତୀୟ କ୍ୱାଲିଫାୟାର ମ୍ୟାଚ ଜିତି ଫାଇନାଲ ଟିକେଟ ହାତେଇବା ସୁଯୋଗ ରହିଛି । ହାଇଦ୍ରାବାଦ ଓ ବେଙ୍ଗାଲୁରୁ ମଧ୍ୟରେ ଖେଳାଯିବାକୁ ଥିବା ଏଲିମିନେଚର ମ୍ୟାଚ ବିଜେତା ସହ ଦିଲ୍ଲୀ ଖେଳିବ ଦ୍ୱିତୀୟ କ୍ୱାଲିଫାୟାର ।
BREAKING NEWS
- ନିଶା ଦ୍ରବ୍ୟ ବିରୁଦ୍ଧରେ ଇସିଆଇର ଅଭିଯାନ; ଜବତର ହୋଇଛି ୪୫% ନିଶା ଦ୍ରବ୍ୟ
- ଘରେ ବସି ଭୋଟ ଦେଲେ ବରିଷ୍ଠ ନେତା ଆଡଭାନୀ, ମୁରଲୀ, ମନମୋହନ ସିଂହ ଓ ଅନସାରୀ
- ଜାଲ୍ ନୋଟ୍ କାରବାର କରି ଲିଙ୍ଗରାଜ ବେହେରା ସଶ୍ରମ କାରାଦଣ୍ଡରେ ଦଣ୍ଡିତ
- ନେତାଙ୍କ ନାଁରେ ଆପତ୍ତିଜନକ ପୋଷ୍ଟ, ଛାଟ ମାରିଲା କମିଶନରେଟ ପୋଲିସ
- କଡ ଲେଉଟାଉଛି କରୋନା, ମାସ୍କ ପିନ୍ଧିବାକୁ ସତର୍କ ସୂଚନା ଜାରି
- ଟି୨୦ ବିଶ୍ୱକପ: ଭାରତୀୟ ଟିମ ଗସ୍ତ କାର୍ଯ୍ୟସୂଚୀରେ ପରିବର୍ତନ
- ତେଜୁଛି ମାଗଣା ବିଜୁଳି ରାଜନୀତି: ବିଜେପିର ଆହ୍ବାନ, ଘରୁ ମିଟର ହଟେଇବାକୁ ନିର୍ଦ୍ଦେଶ ଦିଆଯାଉ
- ବିଜେପି ନେତାମାନେ ଟୁରିଷ୍ଟ ଭଳି ଆସୁଛନ୍ତି, ସମୁଦ୍ରକୂଳ ବୁଲିବା ବଦଳରେ ମୁଖ୍ୟମନ୍ତ୍ରୀଙ୍କୁ ଅସମ୍ମାନ କରୁଛନ୍ତି:ପାଣ୍ଡିଆନ
- ଗତ ୧୦ ବର୍ଷ ହେବ ଚିଲିକା ନିର୍ବାଚନ ମଣ୍ଡଳୀରେ ଯେତିକି ଉନ୍ନତି ହେବା କଥା ହୋଇନାହିଁ: ପାଣ୍ଡିଆନ
- ପିଲାଙ୍କ ମଧୁମେହ ରୋଗ