ନୂଆଦିଲ୍ଲୀ: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଏକ ଭିଡିଓ କ୍ଲିପ୍ ସୋସିଆଲ ମିଡିଆରେ ଭାଇରାଲ ହୋଇଛି ଯେଉଁଥିରେ ସେ ଚାଷୀଙ୍କ ସମର୍ଥନରେ ଭାଷଣ ଦେଉଛନ୍ତି। ଭିଡିଓ ସହିତ, ରାଜନାଥ ସିଂ ଜାତୀୟ ରାଜଧାନୀ ଦିଲ୍ଲୀରେ ନୂତନ କୃଷି ନିୟମକୁ ବିରୋଧ କରୁଥିବା କୃଷକମାନଙ୍କୁ ସମ୍ବୋଧିତ ଏବଂ ସମର୍ଥନ କରିଥିଲେ ବୋଲି ଦାବି କରାଯାଉଛି।
ଭିଡିଓରେ ରାଜନାଥ ସିଂ କହିଥିବା ଶୁଣିବାକୁ ମିଳିଛି ଯେ ସେ କୃଷକମାନଙ୍କ ସହିତ ଅଛନ୍ତି। ଏଥିସହ ସେ କୃଷକଙ୍କ ସ୍ୱର ଶୁଣୁ ନ ଥିବାରୁ ପ୍ରଧାନମନ୍ତ୍ରୀଙ୍କୁ ସମାଲୋଚନା କରୁଥିବା ମଧ୍ୟ ଶୁଣିବାକୁ ମିଳିଛି। ଭିଡିଓ ସହିତ ଥିବା କ୍ୟାପସନରେ ଲେଖା ଅଛି, “ବିଗ୍ ବ୍ରେକିଙ୍ଗ୍: – କୃଷକ ପ୍ରସଙ୍ଗରେ ବିଜେପିରେ ବଡ ବିଭାଜନ!” କୃଷକମାନଙ୍କୁ ରାଜନାଥ ସିଂଙ୍କ ସମର୍ଥନ। ”
ତେବେ ସୂଚନା ଅନୁଯାୟୀ ଭାଇରାଲ୍ ହେଉଥିବା ଭିଡିଓଟି ହେଉଛି ୨୦୧୩ ସମୟର ଯେତେବେଳେ ରାଜନାଥ ସିଂ ୟୁପିଏ ସରକାର ସମୟରେ ଦିଲ୍ଲୀର ଜନ୍ତର ମନ୍ତରରେ ଚାଲୁଥିବା କୃଷକଙ୍କ ଏକ ଆନ୍ଦୋଳନକୁ ସମ୍ବୋଧିତ କରିଥିଲେ। ୨୦୧୪ ରେ ବିଜେପି ନେତୃତ୍ୱାଧୀନ ଏନଡିଏ ସରକାର କ୍ଷମତାକୁ ଆସିଥିଲେ।