ଜୟପୁର: ପୋଲିସ ହାତରେ ବାଇକ ଚୋରି ରାକେଟ୍ । ଜୟପୁର ଟାଉନ୍ ଥାନା ପୋଲିସ୍ ବାଇକ୍ ଚୋରି ରାକେଟର ପର୍ଦ୍ଦାଫାସ୍ କରିଛି । ଏଥିରେ ୩ ଜଣ ଯୁବକ ଓ ୨ ଜଣ ନାବାଳକଙ୍କୁ ଗିରଫ କରିଛି ପୋଲିସ । ସେମାନଙ୍କ ଠାରୁ ପୋଲିସ ୧୧ଟି ବାଇକ୍ ଓ ଗୋଟିଏ ସାଇକେଲ୍ ଜବତ କରିଛି । ଅଭିଯୁକ୍ତମାନେ ଚୋରି ବାଇକ୍ ବିକ୍ରି ଲାଗି ଯୋଜନା କରୁଥିବା ବେଳେ ପୋଲିସ ଏମାନଙ୍କୁ ଧରିଛି ।
ବାଇକ୍ ଚୋର ଗ୍ୟାଙ୍ଗକୁ ଧରିବା ଲାଗି ଏସପିଙ୍କ ନିର୍ଦ୍ଦେଶ କ୍ରମେ ୨ଟି ସ୍ୱତନ୍ତ୍ର ଟିମ୍ ଗଠନ କରାଯାଇଥିଲା । ଏହି ଟିମ୍ ମାଲକାନଗିରି, ନବରଙ୍ଗପୁର ସହ ଜୟପୁର ଉପଖଣ୍ଡର କୁନ୍ଦୁରା, ବୈପାରୀଗୁଡ଼ା, ବୋରିଗୁମ୍ମା ଅଞ୍ଚଳରେ ଚଢ଼ାଉ କରିଥିଲା । ପୋଲିସ ଡମ୍ଭୁରୁ ହରିଜନ, ରାଜ କୁମାର ପାଣି ଓ ସଞ୍ଜୟଙ୍କୁ ଗିରଫ କରିଥିବା ବେଳେ ୨ ଜଣ ନାବାଳକଙ୍କୁ ଧରିଥିବା ଜୟପୁର ଏସଡିପିଓ ଅରୂପ ଅଭିଷେକ ବେହେରା ସୂଚନା ଦେଇଛନ୍ତି ।
Comments are closed.